'Gee ons gesprekbande'
Amerikaanse wetgewers doen 'n beroep op pres. Donald Trump om bandopnames van gesprekke met James Comey, afgedankte FBI-hoof, te oorhandig en sodoende op 'n konfrontasie met die Withuis afgestuur, terwyl die Demokrate dit oorweeg om 'n stemmery oor Comey se opvolger te boikot.
Trump het 'n politieke storm ontketen deur Comey verlede week af te dank.
Die federale speurdiens (FBI) ondersoek beweerde Russiese inmenging in die Amerikaanse presidentsverkiesing en moontlike bande tussen Rusland en die Trump-veldtog.
Demokrate beskuldig Trump daarvan dat hy die FBI-ondersoek probeer dwarsboom en vra 'n ondersoek na die aangeleentheid.
Trump sê hy het Comey in die pad gesteek omdat hy sy werk nie goed gedoen het nie en die ondersteuning van die FBI-personeel verloor het.
In 'n uiters ongewone stap het Trump verlede week blykbaar op Twitter te kenne gegee dat hy bandopnames van gesprekke met Comey het: “James Comey moet hoop daar is nie 'bande' van ons gesprekke nie voordat hy goed aan die media uitlap.”
Die Republikeinse senator Lindsey Graham van Suid-Carolina sê die Withuis moet die lug suiwer oor of sulke bandopnames bestaan.
“As daar bande van so 'n gesprek is, moet hulle verskaf word,” het Graham op NBC se program Meet the Press gesê.
As daar bandopnames is, is dit onvermydelik dat 'n lasbrief uitgereik sal word om dit te bekom en dat die Withuis dit sal moet verskaf, het die Republikeinse senator Mike Lee van Utah aan die program Fox News Sunday gesê.
Lee, wat op Trump se lys van moontlike kandidate was om regter Antonin Scalia van die hooggeregshof te vervang, sê ook om gesprekke in die Withuis op te neem “is nie noodwendig die beste idee nie”.
Trump se uitlatings oor bandopnames het die Demokrate laat eis dat 'n onafhanklike ondersoek ingestel word na Rusland se beweerde inmenging in die presidentsverkiesing.
Chuck Schumer, die Demokrate se leier in die senaat, het op CNN se program State of the Union gesê mense sal 'n sug van verligting slaak as 'n spesiale, onafhanklike aanklaer Comey ondersoek. - Netwerk24/Nampa/Reuters
Trump het 'n politieke storm ontketen deur Comey verlede week af te dank.
Die federale speurdiens (FBI) ondersoek beweerde Russiese inmenging in die Amerikaanse presidentsverkiesing en moontlike bande tussen Rusland en die Trump-veldtog.
Demokrate beskuldig Trump daarvan dat hy die FBI-ondersoek probeer dwarsboom en vra 'n ondersoek na die aangeleentheid.
Trump sê hy het Comey in die pad gesteek omdat hy sy werk nie goed gedoen het nie en die ondersteuning van die FBI-personeel verloor het.
In 'n uiters ongewone stap het Trump verlede week blykbaar op Twitter te kenne gegee dat hy bandopnames van gesprekke met Comey het: “James Comey moet hoop daar is nie 'bande' van ons gesprekke nie voordat hy goed aan die media uitlap.”
Die Republikeinse senator Lindsey Graham van Suid-Carolina sê die Withuis moet die lug suiwer oor of sulke bandopnames bestaan.
“As daar bande van so 'n gesprek is, moet hulle verskaf word,” het Graham op NBC se program Meet the Press gesê.
As daar bandopnames is, is dit onvermydelik dat 'n lasbrief uitgereik sal word om dit te bekom en dat die Withuis dit sal moet verskaf, het die Republikeinse senator Mike Lee van Utah aan die program Fox News Sunday gesê.
Lee, wat op Trump se lys van moontlike kandidate was om regter Antonin Scalia van die hooggeregshof te vervang, sê ook om gesprekke in die Withuis op te neem “is nie noodwendig die beste idee nie”.
Trump se uitlatings oor bandopnames het die Demokrate laat eis dat 'n onafhanklike ondersoek ingestel word na Rusland se beweerde inmenging in die presidentsverkiesing.
Chuck Schumer, die Demokrate se leier in die senaat, het op CNN se program State of the Union gesê mense sal 'n sug van verligting slaak as 'n spesiale, onafhanklike aanklaer Comey ondersoek. - Netwerk24/Nampa/Reuters
Kommentaar
Republikein
Geen kommentaar is op hierdie artikel gelaat nie