Geduld met LED-ligte op

Ongehoorsaamheid kan jou reis kortknip

29 June 2018 | Polisie
Augetto Graig



Nampol gaan geen onwettige voer­tuigligte meer duld nie.

Dít sluit die aanbring van gewilde LED-ligte aan voertuie in.

Lt.genl. Sebastian Ndeitunga, Namibië se polisiehoof, het opdrag aan al sy streeksbevelvoerders gegee dat voertuigligte nie geduld moet word wat nie deur die regulasies van die padverkeer- en vervoerwet goedgekeur word nie.

Hy sê voertuie waarvan die ligte nie aan dié wet voldoen nie, sal nie toegelaat word om die pad te gebruik nie.

Eienaars van sulke voertuie sal deur 'n padwaardigheidstoets moet gaan.

Só het die polisiehoof tydens 'n vergadering met die B1-/B2-taakspan se bestuurskomitee gesê, waar dié besluit geneem is.

“Om eenvormigheid te bereik, sal streeksverkeerskoördineerders dit onder die aandag van alle lede onder hul bevel bring,” het Ndeitunga se opdrag voorts gelui.

Volgens hom het sekere regerings-, polisie-, weermag- en gevangenisdiensvoertuie onwettige ligte op. Hy het bygevoeg dié besluit geld vir almal.

“Hierdie voertuie sal dieselfde as privaat voertuie gehanteer word,” het Ndeitunga gesê.

Hoofinsp. Kauna Shikwambi, polisiewoordvoerder, het gesê daar is tans geen polisievoertuie met onwettige ligte op nie.

“Die kwessie van ongemagtigde ligte op voertuie is niks nuuts nie, dus word daar van alle motoriste verwag om aan die bepalinge van die wet te voldoen.

“Indien op 'n voertuig (met onwettige ligte) afgekom word, sal die verkeersbeampte al die nodige prosedures en vereistes aan die bestuurder verduidelik. Daarna sal die beampte die gebruik van die voertuig opskort en die voertuig na die naaste toetsowerheid verwys,” het sy gesê.

“NaTIS is die enigste instelling wat padwaardigheidstoetse op voertuie volgens die padvervoer- en verkeerswet kan doen,” het sy gesê.

Volgens Shikwambi sal die polisie nie beslag lê op ligte of voertuie nie en geen spesifieke boete sal vir dié oortreding geld nie.

Nogtans sal wetsoortreders volgens die bepalinge van die wet hanteer word, het sy gesê.

Sy het die publiek aangemoedig om hul naaste verkeerspolisiekantoor of NaTIS-kantoor vir verdere inligting te kontak.

Laas jaar het Windhoek se stadspolisie hulle ook teen die gebruik van onwettige ligte uitgespreek.

Veral LED-ligte word nie deur die stadspolisie verdra nie.

Volgens hulle is daar nie 'n toelaatbare manier waarop dié ligte aan 'n voertuig aangebring kan word nie.

In die hoofstad kan die gebruik van 'n voertuig met onwettige ligte onmiddellik opgeskort word.

'n Boete van N$1 000 kan gehef word indien die LED-lig oor die middel van die voertuig se neus gemonteer is, en 'n boete van N$750 indien die lig nie elektronies kan verdof om te voorkom dat aankomende bestuurders verblind word nie.

Soortgelyk

 

Bank en depot sal nie sluit nie, sê Peya

27th of May 10:43 | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

3 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...