Gebruik van bos vir veevoer ondersoek

Bosindringing op plase wat die afgelope jaar reeds tot soveel as 45 miljoen hektaar se weiveld verdring, skep deesdae ook al meer geleenthede vir Namibiese boere en die ekonomie vir benutting binne ander waardekettings.'n Aantal Namibiese boere het reeds begin om dié bosse tot veevoer te verwerk. Die resultate van hierdie baanbreker-aktiwiteit is buitengewoon en bewys dat bos-gebaseerde voer werk - veral gedurende droogtes as noodvoeding, maar ook as aanvullende voeding tydens die reënseisoen. Die Namibië Landbou-unie (NLU) sê daar is reeds 15 boere wat veevoer uit bos vervaardig. " Volgens dié boere word die proses nog bemoeilik deur die gebrek aan betroubare kundigheid en riglyne. Dit is ook die rede vir die besonder hoë koste daarvan," sê die NLU in sy nuusbrief.Die Projek vir die Ondersteuning van Ontbossing wat gesamentlik deur die Duitse Vereniging vir Internasionale Samewerking (GIZ) en die ministerie van landbou, water en bosbou (MAWF) geïmplementeer is, doen tans navorsing om sogenaamde boskos-produksie te optimaliseer. Dit sluit in laboratoriumontledings van bosindringers by twee geïdentifiseerde terreine, sowel proewe op die voer.Die proefnemings sal duur tot April 2017 en daar word verwag dat ‘n volledige navorsingsverslag sowel as handleidings vir boere in beide kommunale en kommersiële gebiede opgestel sal word. Boskos-produsente word aangemoedig om aan die projek deel te neem. Die inligting wat ingesamel word, sal help met die ontwikkeling van volhoubare stelses met betrekking tot produksie, doeltreffende gebruik, opgaring en toekomstige kommersialisasie van boskos. Om deel te neem aan hierdie opname, volg asb die skakels op www.surveymonkey.com/r/bushfeed. Vir verdere inligting oor die opname, kontak vir me. Katrina Shiningavamwe by shiningavamwek@mawf.gov.na of 081 251 9690 of vir mnr. Johannes Laufs by johannes.laufs@giz.de of 061 429 252.

Gebruik van bos vir veevoer ondersoek

Kommentaar

Republikein 2025-12-19

Meld asseblief aan om kommentaar te lewer

Gebruik van bos vir veevoer ondersoek

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.