Gebruik sonskerm!

Henriette Lamprecht Vanjaar fokus die Kankervereniging van Namibië (CAN) op kanker onder kinders. Maar dis nie net Namibiese kinders wat deurloop nie. In 2015 is 2 692 nuwe gevalle van kanker op die nasionale kankerregister aangeteken, die meeste daarvan velkanker.Volgens mnr. Rolf Hansen, hoof uitvoerende beampte van die Kankervereniging van Namibië (CAN), kan velkanker in tot 70% van gevalle voorkom word deur voorsorgmaatreëls, soos meer sonskerm. “Ons sien ook meer gevalle van immuungebrekkige vorms van kanker, omdat MIV/vigs-pasiënte nie hulself versorg nie,” sê hy. Hansen sê onderrig is die beste vorm van voorkoming.Boonop plaas kanker 'n swaar las op Namibië se ekonomie. “Die mees basiese kankerbehandelingsplan is gemiddeld N$120 000 per pasiënt, wat 'n reuselas van N$360 miljoen per jaar op 'n klein land soos Namibië plaas,” sê hy.Volgens Hansen sluit hierdie bedrag nie eers reis- en verblyfkostes of sielkundige behandeling in nie.Die aantal kinders wat jaarliks met kanker gediagnoseer word, het skerp gestyg.Statistieke toon 493 Namibiërs onder 21 jaar is van 2011 tot 2014 met kanker gediagnoseer. Dit is gemiddeld 111 gevalle per jaar vir dié tydperk. Van 2015 tot 2016 is 63 nuwe gevalle aangeteken, met 'n styging van 14% tot 16% wat verwag word.Die mees algemene vorm van kanker onder kinders is leukemie, en Hodgkin en nie-Hodgkin se limfoom. Kanker van die oog, skelet en spiere kom ook voor.Volgens Hansen belê CAN tans N$12 miljoen in die ontwikkeling van voldoende sentrums om kankerpasiënte te bedien. Die vereniging het 'n huis langs Huis Acacia in Windhoek gekoop vir kinders wat kankerbehandeling kry en van 'n ouer vergesel word. Tans kan ma's of voogde van kinders met kanker slegs twee weke lank saam met hul kinders in die Windhoek Sentrale hospitaal bly.Dié eiendom langs Huis Acacia maak amptelik sy deure in Februarie oop om dié probleem te oorkom. “Die CHICA (kinders met kanker in Namibië) Tussentydse Tuiste sal aanvanklik tot vyf ma's kan huisves, terwyl twee kamers vir die verblyf van ma en kind saam geoormerk is,” het Hansen gesê.Volgens hom belê CAN ook N$4 miljoen in die opgradering en uitbreiding van sy hoofkantoor om die Namibië Nasionale Kankerregister te huisves. 'n Groter kliniek word ook ontwikkel om in die behoeftes van die Khomasstreek te voorsien. By Huis Acacia self gaan 'n bykomende vyf slaapkwartiere gevoeg word vir pasiënte wat behandeling in Windhoek ontvang. “Vanjaar het ons danksy die borge van die Kankerbal 'n begroting van meer as N$500 000 beskikbaar,” sê hy.'n Amptelike tak en kliniek op Swakopmund word ook vir die tweede kwartaal van vanjaar beplan.

Gebruik sonskerm!

Kommentaar

Republikein 2025-11-06

Meld asseblief aan om kommentaar te lewer

Gebruik sonskerm!

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.