Gebeurlikheidsplan vir gesondheid bekend

Henriette Lamprecht Namibië sal sowat N$576,3 miljoen oor 'n tydperk van vyf jaar nodig hê om sy nasionale aksieplan vir gesondheidsekuriteit (NAPHS) in werking te stel.Die minister van gesondheid en maatskaplike dienste, dr. Kalumbi Shangula, het tydens die bekendstelling gesê die implementering sal jaarliks deur die koördineringskomitee geëvalueer word. Volgens hom het die Wêreldgesondheidsvergadering in Mei 2005 die internasionale gesondheidsregulasies aanvaar, 'n wetlike en bindende ooreenkoms wat elk van die 194 lidlande van die Wêreldgesondheidsorganisasie (WHO) insluit.Die regulasies definieer lande se regte en verpligtinge in die voorkoming en bestuur van openbare gesondheidskwessies wat die potensiaal het om grense oor te steek.Die internasionale regulasies het op 15 Junie 2007 van krag geword.Volgens Shangula het Namibië deelgeneem aan die onderhandelings en het die regulasies onderteken.“Alle partye moet die vereiste openbare gesondheidskapasiteit ontwikkel om openbare gesondheidskwessies te identifiseer, evalueer en aan te meld. Die regulasies verplig partye om kapasiteit te ontwikkel om spoedig en doeltreffend op openbare gesondheidsrisiko's van internasionale belang te reageer,” het Shangula gesê.Hy het verwys na verskeie uitbrekings die afgelope paar jaar wêreldwyd, wat onder meer Zika, cholera, Kongokoors en die oplewing van siektes soos geelkoors insluit.In Namibië het beduidende uitbrekings van onder meer polio, hepatitis E en die huidige Covid-19-pandemie voorgekom wat tot hoë sterftesyfers en negatiewe sosioekonomiese impak gelei het. Die NAPHS definieer volgens Shangula die nasionale prioriteite vir gesondheidsekuriteit, identifiseer vennote, bring sektore bymekaar en ken hulpbronne vir kapasiteitsontwikkeling toe. “Dit bied riglyne om prioriteite gebaseer op bewyse spoedig te implementeer wat 'n onmiddellik effek het, asook langtermynoptrede vir volhoubare kapasiteitsontwikkeling.”Volgens Shangula het Namibië in Augustus 2017 met die ontwikkeling van die NAPHS begin om die hulpbronne en finansiële gapings te vul.Die minister het ook die strategiese plan vir menslike hulpbronne vir gesondheid vir 2020 tot 2030 bekend gestel wat as padkaart sal dien vir die ministerie en Namibië om onder meer Visie 2030 te verwesenlik. – henriette@republikein.com.na

Gebeurlikheidsplan vir gesondheid bekend

Kommentaar

Republikein 2025-11-05

Meld asseblief aan om kommentaar te lewer

Gebeurlikheidsplan vir gesondheid bekend

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.