Gaseb berei voor op o.20-wêreldkampioenskap

Die 18-jarige naelloper Elvis Gaseb van Namibië sal sy eerste internasionale verskyning maak wanneer hy volgende maand aan die onder 20-wêreldkampioenskap in Nairobi, Kenia, deelneem.Gaseb sal deelneem tesame met die land se naelloopsensasies Beatrice Masilingi en Christine Mboma, wat ook gekwalifiseer het om die land by die Wêreldatletiek te verteenwoordig. Die tweejaarlikse o.20-byeenkoms is vir 17 tot 18 Augustus geskeduleer – dus, ná afloop van Masilingi en Mboma se deelname aan die Olimpiese Spele in Tokio.Gaseb het die 100 meter-titel vir seuns o.19 by die Namibiese Skolesportunie (NSSU) se nasionale kampioenskap einde April in 11.02 sekondes gewen. Hy het die 200 meter-titel ook in 21.71 gewen.Gaseb, wat aan die Namib Lions-atletiekklub verbonde is, het in 'n onderhoud met Nampa gesê dit is 'n wonderlike geleentheid vir hom om op die hoogste vlak mee te ding.“Dit sal die eerste keer wees dat ek aan 'n internasionale kompetisie deelneem. Ek sal my bes doen omdat my afrigter my goed voorberei,” het Gaseb gesê. Hy het bygevoeg sy doelwit is om aan meer internasionale kompetisies deel te neem en binne drie jaar nog beter tye te kan opstel.Michael Hamukwaya, stigter van Namib Lions en Gaseb se afrigter, sê dit is regtig belangrik om te sien dat ontluikende jong atlete goeie tye hardloop en vir internasionale kompetisies kwalifiseer.Gaseb het ook gekwalifiseer vir die 2020 Afrika Streek 5 Spele wat in Desember vanjaar in Maseru, Lesotho, gehou sal word.“Elvis se kwalifisering is nie 'n verrassing nie, want dit kom van sy harde werk. As klub was ons doel om aan die Streek 5-spele deel te neem, maar ná sy kwalifikasie vir Wêreldatletiek se o.20-kampioenskap is die planne aangepas en ons berei hom nou meer voor, want hy het gewys hy kan met die elite meeding,” het Hamukwaya gesê.Die afrigter het bygevoeg dat Gaseb se kwalifisering 'n goeie motivering vir ander jong atlete is. Hy hoop die jong atleet kan sy doelwit bereik om die land by meer internasionale kompetisies te verteenwoordig.“Ons werk aan 'n vier- tot sesjaarplan en ons doelwit is om te sien dat Elvis vir die Statebondspele kwalifiseer en dan van daar af konsentreer op ander kompetisies,” het Hamukwaya gesê.– NampaFOTOElvis Gaseb, die NSSU nasionale o.19-kampioen in die 100 en 200 meter. Foto Nampa

Gaseb berei voor op o.20-wêreldkampioenskap

Kommentaar

Republikein 2025-12-16

Meld asseblief aan om kommentaar te lewer

Gaseb berei voor op o.20-­wêreld­kam­pioen­skap

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Gaseb berei voor op o.20-wêreldkampioenskap

Intekening vereis om toegang tot inhoud te kry.