Gasa: Aanvalle oor en weer ná 'skietstilstand'
Israel sal doen wat hy moet om sy mense en sy land te verdedig, sê die Israelse premier.
Israel het aanvalle op Hamas-teikens in die Gasastrook uitgevoer ure nadat 'n vuurpyl uit die gebied 'n huis in 'n dorp naby Tel Aviv getref het.
Die kantoor van Hamas se politieke leier en die groep se inligtingshoofkantoor was onder die teikens, het Israel se weermag gesê.
Sewe mense is gewond en 'n huis is vernietig, het Gasa se ministerie van gesondheid gesê, berig die BBC.
Israel hou Hamas verantwoordelik vir die vuurpyl wat die dorp Mishmeret Maandag getref het.
“Israel sal dit nie toelaat nie, ek sal dit nie toelaat nie,” het Benjamin Netanyahu, Israelse premier, gesê kort nadat hy samesprekings met pres. Donald Trump gevoer het. Hy het sy vierdaagse besoek aan Amerika ná sy besoek aan Trump opgeskort.
Bomskuilings in dorpe en stede naby die grens met Gasa, sowel as in die sentrale en noordelike dele van Israel, is oopgemaak ter voorbereiding van Gasa se reaksie op die Israelse aanvalle.
AMPTELIKE VERKLARING
Skole in sommige dele van Gasa is gesluit. Vuur en rook het oor Gasa gehang nadat Israel 15 teikens aangeval het. In 'n amptelike verklaring het Israel se weermag gesê die aanvalle was in reaksie op vuurpyle wat uit Gasa op hulle geskiet is, berig Haaretz.
Sowat 30 vuurpyle is sedert Maandagaand om 22:00 na Israel geskiet, het 'n weermagwoordvoerder gesê. Israel se beskermingsmaatreëls, wat die ysterkoepel (Iron Dome) genoem word, het van die vuurpyle onderskep en die ander het op oop gebiede geval.
Die Palestyne het gesê hul aanvalle is in antwoord op die Israelse aanvalle.
Intussen het Egipte 'n skietstilstand tussen die Palestyne en Israel bewerkstellig, het Mohammed Elbarim, woordvoerder van die Popular Resistance Committees, gesê.
Bronne uit Hamas het aan die Turkse nuusagentskap Anadolu gesê “die faksies wat saamwerk met die Egiptiese bewerking van 'n skietstilstand, sal daartoe verbind wees as Israel nie weer aanval nie”.
'n Woordvoerder vir Islamic Jihad het dieselfde gesê. Hulle sal saamwerk met 'n “stilte-vir-stilte”-skietstilstand.
SkyNews berig albei kante het reeds Maandagaand weer op mekaar geskiet nadat op die skietstilstand ooreengekom is.
Netanyahu het gesê Israel sal doen wat hy moet om sy mense en sy land te verdedig.
Israel gaan op 9 April na die stembus in 'n landswye verkiesing.
Kritici van Netanyahu sê hy is te toegewend teenoor Hamas. Hy het ook hangende korrupsieaanklagte teen hom.– Netwerk24
Die kantoor van Hamas se politieke leier en die groep se inligtingshoofkantoor was onder die teikens, het Israel se weermag gesê.
Sewe mense is gewond en 'n huis is vernietig, het Gasa se ministerie van gesondheid gesê, berig die BBC.
Israel hou Hamas verantwoordelik vir die vuurpyl wat die dorp Mishmeret Maandag getref het.
“Israel sal dit nie toelaat nie, ek sal dit nie toelaat nie,” het Benjamin Netanyahu, Israelse premier, gesê kort nadat hy samesprekings met pres. Donald Trump gevoer het. Hy het sy vierdaagse besoek aan Amerika ná sy besoek aan Trump opgeskort.
Bomskuilings in dorpe en stede naby die grens met Gasa, sowel as in die sentrale en noordelike dele van Israel, is oopgemaak ter voorbereiding van Gasa se reaksie op die Israelse aanvalle.
AMPTELIKE VERKLARING
Skole in sommige dele van Gasa is gesluit. Vuur en rook het oor Gasa gehang nadat Israel 15 teikens aangeval het. In 'n amptelike verklaring het Israel se weermag gesê die aanvalle was in reaksie op vuurpyle wat uit Gasa op hulle geskiet is, berig Haaretz.
Sowat 30 vuurpyle is sedert Maandagaand om 22:00 na Israel geskiet, het 'n weermagwoordvoerder gesê. Israel se beskermingsmaatreëls, wat die ysterkoepel (Iron Dome) genoem word, het van die vuurpyle onderskep en die ander het op oop gebiede geval.
Die Palestyne het gesê hul aanvalle is in antwoord op die Israelse aanvalle.
Intussen het Egipte 'n skietstilstand tussen die Palestyne en Israel bewerkstellig, het Mohammed Elbarim, woordvoerder van die Popular Resistance Committees, gesê.
Bronne uit Hamas het aan die Turkse nuusagentskap Anadolu gesê “die faksies wat saamwerk met die Egiptiese bewerking van 'n skietstilstand, sal daartoe verbind wees as Israel nie weer aanval nie”.
'n Woordvoerder vir Islamic Jihad het dieselfde gesê. Hulle sal saamwerk met 'n “stilte-vir-stilte”-skietstilstand.
SkyNews berig albei kante het reeds Maandagaand weer op mekaar geskiet nadat op die skietstilstand ooreengekom is.
Netanyahu het gesê Israel sal doen wat hy moet om sy mense en sy land te verdedig.
Israel gaan op 9 April na die stembus in 'n landswye verkiesing.
Kritici van Netanyahu sê hy is te toegewend teenoor Hamas. Hy het ook hangende korrupsieaanklagte teen hom.– Netwerk24
Kommentaar
Republikein
Geen kommentaar is op hierdie artikel gelaat nie