Gariepdam hou vreugde vir Namibiërs

’n Span van die Namibiese Ligtegerei Varswaterboothengelvereniging vir bote en ligtegerei het onlangs by die Gariepdam naby Colesberg in Suid-Afrika aan die Sone Vyf internasionale kompetisie deelgeneem waar hulle nege goue, twee silwer- en vier bronsmedaljes verower het.In die individuele afdeling vir seniors het die kampioenskap dubbele goud vir Denys Opperman met die grootste barber én grootste karp van die toernooi gesorg. Hy het ook ’n silwermedalje vir sy algehele tweede plek opgeraap.In die vroue-afdeling het Bonnie Doll met die grootste barber en Zelda Horn met die grootste karp van die toernooi geseëvier om goud te verseker. Doll hang met haar algehele derde plek ’n brons om haar nek.Ongelukkig kon die Presidentspan nie in die toernooi presteer nie, maar hiervoor het die senior mans-, vroue-, o.21- en o.16-spanne in hul onderskeie kompetisies vergoed deur stof in hul mededingers se oë te skop. Só is die Namibiese medaljes verower:Internasionale spanmedaljes: Senior manspan (goud); Vroue (silwer); O.21-span (brons); O.16-span (brons).Individueel: Senior mans: Denys Opperman (twee goud, vir grootste barber en karp). Vroue: Bonnie Doll (goud vir grootste barber). Zelda Horn (goud vir grootste karp). Individueel algeheel: Denys Opperman (silwer), Bonita Doll (brons). Feesmedaljes: Vroue- en o.21-span (brons).Individuele feesmedaljes: Denys Opperman (twee goud, vir grootste barber en karp). Bonita Doll (goud vir grootste karp) en Zelda Horn (goud vir grootste baber).Die nuut verkose Sone Vyf-komitee vir 2018 is André Theart (president) en Gerrie Hough (sekretaris), beide van Namibië), Ronnie Groenewald (adjunkpresident, Suid-Afrika) en Denise Rae van Zimbabwe as bykomende lid.Die volgende Sone Vyf-kampioenskap in 2018 sal vanaf 25 November tot 1 Desember deur Namibië by Hardapdam naby Mariental aangebied word.

Gariepdam hou vreugde vir Namibiërs

Kommentaar

Republikein 2026-05-05

Meld asseblief aan om kommentaar te lewer

Gariepdam hou vreugde vir Namibiërs

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.