Gammams staan steeds stil

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel beland het, en alle watersuiweringswerke noodgedwonge tot stilstand gedwing is. Volgens ’n munisipale woordvoerder, me. Lydia Amutenya, is daar nog nie met rehabilitasiewerk begin nie en is die munisipaliteit steeds besig om kenners se menings oor die proses in te win. Amutenya sê die munisipaliteit kan tans ook nie bevestig of Namibia Dairies die koste van die rehabilitasieproses sal dek nie. Dít volg ná sowat 6 000 l swaarbrandstofolie (HFO) in Windhoek se rioolstelsel gestort is toe veiligheidskleppe gebreek het en ‘n pyplyn, wat die brandstofolie na die ketelstelsel neem, by Namibia Dairies se aanleg in Avis gebars het.Die munisipaliteit het onlangs tydens ‘n nuuskonferensie bevestig tussen 24 000 en 27 000 m³ onbehandelde rioolwater vloei daagliks, sedert hulle alle suiweringsprosesse moes staak, die Goreangabdam binne. Dít omdat die Gammams-aanleg asook die nuwe Goreangab-waterherwinningsaanleg tot stilstand gebring is om te keer dat die biologiese prosesse sakde ly, wat in die watersuiweringsproses gebruik word.CoW se uitvoerende hoof, mnr. Robert Kahimise, het gesê volgens ‘n oliestortingspesialis van Suid-Afrika sal dit sowat N$32 miljoen kos om die beskadigde rioolstelsel te herstel.

Gammams staan steeds stil

Kommentaar

Republikein 2025-08-04

Meld asseblief aan om kommentaar te lewer

Gammams staan steeds stil

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie