Game, DionWired brand vas

Hanlie Stadler - Verbruikers se geldknyp en die ietwat sterker rand het Massmart – moedermaatskappy van onder meer Game, Makro en Builders Warehouse – die afgelope jaar 'n knou toegedien.Verkope by veral Game en DionWired het skerp gedaal – met 2,8% – selfs al het dié afdeling sy pryse met gemiddeld 2,5% verlaag, luidens die maatskappy se handelsverklaring op Sens.Die maatskappy se totale verkope van R93,7 miljard is slegs 2,7% meer as in die 2016-boekjaar, selfs al was die 2017-boekjaar 'n week langer (53 weke). As slegs 52 weke vergelyk word, het verkope met net 1% gestyg.belangrike barometerVerkope by winkels wat in die vorige jaar oop was – 'n belangrike barometer van hoe volhoubaar winkels bedryf word – het met 0,8% gedaal. Pryse het gemiddeld met 2% gestyg.Volgens Massmart het verkope beslis in die tweede helfte van 2017 verbeter by onder meer Makro en die Builders-franchises. Die maatskappy gee nog geen vooruitsig vir 2018 nie.Suid-Afrikaanse verkope het met net 1,5% gestyg oor die 52 weke, terwyl vergelykbare verkope met 0,2% gedaal het.Die sterker rand in 2017 vergeleke met 2016 het Massmart se syfers ook geknou.In die ander Afrikalande waarin Massmart sake doen – Ghana, Botswana, Kenia, Lesotho, Malawi, Mosambiek, Namibië, Nigerië, Tanzanië, Uganda en Zambië – het verkope in konstante wisselkoerse met 3,5% gestyg en in vergelykbare winkels met 0,8%.In randwaarde het dit egter met onderskeidelik 4,8% en 7% gedaal.Die finale jaarsyfers word op 22 Februarie uitgereik.Ondanks die gedempte syfers het Massmart se aandeelprys teen 12:00 met 3,3% tot R144,60 gestyg. – Netwerk24Massmart se afdelings• Massdiscounters (Game, DeonWired): Verkope -2,8% by alle winkels en -4,2% by vergelykbare winkels; gemiddelde pryse -2,5%.• Masswarehouse (Makro en die varsprodukte-groothandelaar The Fruitspot): Verkope +2,9% en +2,4% by vergelykbare winkels; pryse +2,3%.• Massbuild (Builders Warehouse, Builders Express, Builders Superstore en Builders Trade Depot): Verkope +2,4% en +1,6% by vergelykbare winkels; pryse +3,7%.• Masscash (CBW, Trident, Jumbo, Shield en Cambridge Food): Verkope +0,4% en -2,3% by vergelykbare winkels; pryse +3,9%.

Game, DionWired brand vas

Kommentaar

Republikein 2025-08-04

Meld asseblief aan om kommentaar te lewer

Game, DionWired brand vas

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie