Frylinck boul Eagles na sege teen Emirate

Andrew Poolman – Ná ’n puik vertoning deur die Namibiese Eagles klop hulle die Verenigde Arabiese Emirate met 17 lopies op hul tuisveld, die ICC Akademieveld in Dubai, in ’n opwarmwedstryd voor die komende T20 Wêreldbeker.Jan Frylinck se beste boulvertoning nóg in ’n internasionale T20-wedstryd besorg hom die toekenning as speler van die wedstryd. Hy neem ses paaltjies vir 24 lopies in sy vier boulbeurte.Die Emirate het die loot gewen en die besoekers ingestuur. Die Namibiese kolftotaal van 159/8 was gebou op stewige bydraes van Stephen Baard (39 van 34 balle, vier viere), ’n vyftigtal deur Craig Williams (57 van 37 balle, 7x4 2x6) en Gerhard Erasmus (27 van 19 balle, 2x4). JJ Smit het ook een ses geslaan in sy 14 van 9 balle.Die gebore Pakistani mediumsnelbouler Zahoor Khan het vir die Emirate 4/29 in 4 bb geneem.David Wiese, die voormalige Proteas T20 Wêreldbekerspeler in sy debuutwedstryd vir Namibië, het die boulwerk geopen en het die eerste paaltjie geneem om met 1/29 in 4 bb af te sluit.Die ander aanvangsbouler, Ruben Trumpelmann, was ook op sy stukke met ’n suinige 2/22 in 4 bb.Frylinck se eerste deurbraak was om die Emirate se beste kolwer vir die dag, Waseem Muhammad (39 van 36 balle), agter die paaltjie deur Zane Green te laat uitvang. Hy het later ook in een boulbeurt van beide Basil Hameed (20 van 12 balle) en die ervare Rohan Mustafa (0 van 1 bal) ontslae geraak.Frylinck het die 20ste en laaste boulbeurt afgestuur waarin die Emirate 24 lopies vir ’n oorwinning moes moker, maar hy het laaste gelag deur ses lopies af te staan en twee paaltjies te neem.Die Namibiërs se volgende opwarmwedstryd voor die T20 Wêreldbeker is Woensdagoggend teen Papoea-Nieu-Guinee.

Frylinck boul Eagles na sege teen Emirate

Kommentaar

Republikein 2025-12-23

Meld asseblief aan om kommentaar te lewer

Frylinck boul Eagles na sege teen Emirate

Kommentaar

Republikein 2025-12-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.