Froome steun UCI ná hy positief toets

Die viermalige Tour de France-kampioen Chris Froome het in September positief getoets vir verbode middels tydens sy oorwinning van die Vuelta a España-fietstoer.Die Team Sky-ryer het twee keer die toegelate vlak van die asmamiddel Salbutamol in sy stelsel gehad.Fietsry se wêreldliggaam, die Union Cycliste Internationale (UCI), het vir meer besonderhede van die jaer en sy span gevra. Die 32-jarige Brit het in reaksie hierop gesê hy hét sy dosis verhoog, maar dit was steeds binne die wettige perk. Hy het dit ook duidelik gemaak dat die UCI reg is om navrae hieroor te rig.Froome sê hy het sy dokter se raad gevolg om sy asmapompie meer te gebruik nadat sy simptome tydens die Vuelta vererger het. Hy het die eerste Brit geword om die fietstoer van drie weke in Spanje te wen, wat ná sy sege in die Tour de France in Julie gevolg het.Die urientoets wat hy op 7 September ondergaan het, toon dat die vlak van die middel Salbutamol, wat oor die algemeen vir asma gebruik word, 2 000 nanogram per milliliter was. Dit is dubbel soveel as die wêreldagentskap teen verbode middels in sport (Wada) se aanvaarde drempel van 1 000 nanogram per milliliter.Geen ander monsters wat tydens die kompetisie van Froome geneem is, is ontleed nie. Team Sky sê Froome ly sedert kindertyd aan asma.“In die laaste week van die Vuelta het Chris akute simptome van asma getoon. Op aanbeveling van die Team Sky-dokter het hy ’n verhoogde dosis Salbutamol gebruik (steeds binne die UCI se wettige perk) in aanloop tot 7 September se unietoets.”Die span sê Froome het sy gebruik van die middel verklaar.“Die toetsuitslag beteken nie dat enige reël verbreek is nie.”Froome self het gesê dit is bekend dat hy asma het en hy weet presies wat die reëls is.“Ek gebruik ’n pomp om my simptome te beheer, gebruik dit altyd binne die toelaatbare perke en ek weet elke dag waarop ek die voorlopertrui dra, word ek getoets.“My mediese toestand het versleg tydens die Vuelta en ek het die raad van die spandokter gevolg om my Salbutamol-dosis te verhoog.“Soos altyd, neem ek die grootste sorg om te verseker dat ek nie meer as die toelaatbare dosis gebruik nie.“Ek is ernstig oor my leierskapsposisie in my sportsoort. Die UCI is reg om die toetsuitslae saam met die span te ondersoek en ek sal enige inligting wat benodig word met graagte verskaf,” sê Froome. – Netwerk24/BBC Sport/ Telegraph.co.uk

Froome steun UCI ná hy positief toets

Kommentaar

Republikein 2026-02-05

Meld asseblief aan om kommentaar te lewer

Froome steun UCI ná hy positief toets

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.