'Fredericks verdien staatsbegrafnis'
Die president van die Popular Democratic Movement (PDM), mnr. McHenry Venaani, het in ‘n ope brief aan pres. Hage Geingob versoek dat hoofman Dawid Fredericks, die ontslape !Aman Nama-stamhoof, ‘n staatsbegrafnis gegee word.
“Die prerogatief en mag om begrafnisstatus te bepaal, berus by u, die hoogste gesag in die land. Ons het opgemerk dat dapper leiers van ons gemeenskap by geleentheid uitgesluit word en nie die erkenning kry vir die werk wat hulle vir ons mense gedoen het nie.
“Om hierdie rede versoek ons dat hoofman Fredericks ‘n staatsbegrafnis kry. Die ontslape hoofman het die mense van Namibië in die algemeen en die gemeenskap van die Suide met ongeëwenaarde insig en eer gedien.
“Hy was die pionier van ‘n kultuur van selfwaardigheid onder sy mense en allerweë. Hy was ‘n deurtrapte vegter vir vryheid en ná onafhanklikwording ‘n stem van redelikheid vir die regverdige verspreiding van gelyke toegang ingevolge grondhervorming.
“Hy het voortgeveg vir regstellende geregtigheid vir sy mense wat in die onmenslike volksmoord van 1904 tot 1908 gely het, en het die Nama-gemeenskappe verenig. Hoofman Fredericks het die rol van ‘n katalisator in die kerk gespeel waar hy die AME-kerk tot stand gebring het as instrument om teen kolonialisme en onderdrukking te veg.
“Hierdie getuigskrif regverdig na my mening dat hy ‘n nasionale afskeid verdien. Dit is my opregte wens dat pres. Geingob hierdie versoek gunstig sal oorweeg,” skryf Venaani in sy brief.
“Die prerogatief en mag om begrafnisstatus te bepaal, berus by u, die hoogste gesag in die land. Ons het opgemerk dat dapper leiers van ons gemeenskap by geleentheid uitgesluit word en nie die erkenning kry vir die werk wat hulle vir ons mense gedoen het nie.
“Om hierdie rede versoek ons dat hoofman Fredericks ‘n staatsbegrafnis kry. Die ontslape hoofman het die mense van Namibië in die algemeen en die gemeenskap van die Suide met ongeëwenaarde insig en eer gedien.
“Hy was die pionier van ‘n kultuur van selfwaardigheid onder sy mense en allerweë. Hy was ‘n deurtrapte vegter vir vryheid en ná onafhanklikwording ‘n stem van redelikheid vir die regverdige verspreiding van gelyke toegang ingevolge grondhervorming.
“Hy het voortgeveg vir regstellende geregtigheid vir sy mense wat in die onmenslike volksmoord van 1904 tot 1908 gely het, en het die Nama-gemeenskappe verenig. Hoofman Fredericks het die rol van ‘n katalisator in die kerk gespeel waar hy die AME-kerk tot stand gebring het as instrument om teen kolonialisme en onderdrukking te veg.
“Hierdie getuigskrif regverdig na my mening dat hy ‘n nasionale afskeid verdien. Dit is my opregte wens dat pres. Geingob hierdie versoek gunstig sal oorweeg,” skryf Venaani in sy brief.
Kommentaar
Republikein
Geen kommentaar is op hierdie artikel gelaat nie