Fransman dra vanaand Unam-trui
’n Plek in die halfeindronde wink vir drie van die vier spanne.
Andrew Poolman - ’n Jong Franse speler dra vanaand die 15-trui in die beginspan vir die verdedigende kampioene FNB Unam in ’n beslissende wedstryd in die Namibië Rugby-unie (NRU) se premierliga.
Die storie van Joffrey Prats se insluiting om vanaand teen Trustco United te speel, begin meer as tien jaar gelede, toe mnr. Johan Diergaardt, nou afrigter van Unam, die Namibiese span na die 2007 Wêreldbeker in Frankryk geneem het.
Diergaardt se hegte vriendskap met mnr. Pierre Prats, ’n Franse ondersteuner van die Namibiese span, het daar ontstaan en het nog nooit gekwyn nie. By die 2015 Wêreldbeker in Engeland het die twee weer bymekaar gekom en saam as toeskouers in ’n beknopte karretjie agter Namibië se wedstryde aan gery.
“Sy seun Joffrey het ná skool ’n beroepskursus as professionele rugbyspeler in Lyon gevolg. Twee jaar terug het hy ook ’n Franse o.23 vyftiental gehaal wat in Suid-Afrika kom toer het en teen drie provinsiale unies gespeel het,” vertel Diergaardt.
“Joffrey fokus tans eers op die voltooiing van sy studies en is dus nie ’n beroepspeler nie. Hy en sy pa toer tans hier en ons het besluit om sy droom te help bewaarheid om ’n rugbywedstryd in Afrika te speel.
“Hoewel die mannetjie eintlik ’n losskakel is, sal ons hom op heelagter gebruik omdat ons agterlyn se tekens gewonlik deur die losskakel bepaal word en ons nie tyd het om taalverskille uit die weg te ruim nie.”
Volgens Diergaardt sal sy span nie aan motivering tekort kom nie.
“United het die ligapunte nodig om te verseker dat Kudus hom nie verbysteek en die vierde plek vir die semifinaal verseker nie, maar die bal is in ons hande om United geen guns te doen nie. Ons sal veel eerder (op 28 Julie) ’n halfeindstryd speel waarin Kudus na Windhoek moet reis.”
Nadat die kampioenspan Unam se rekord van 37 opeenvolgende oorwinnings vroeër vanjaar deur Wanderers verbreek is, het hulle intussen weer hul volgende vier wedstryde gewen.
Die aanslag van United kan egter nie gering geskat word nie, nadat hulle die vroeër ontmoeting teen Unam eers met die laaste beweging met ’n enkele punte verloor het.
United se afrigter, Jood Opperman, reken as sake vir die agterlyn reg verloop, kan hulle in hul finale wedstryd in die groepfase wel drieë druk om ligapunte te verseker en selfs ’n oorwinning beklink.
FNB Unam: 15 Joffery Prats, 14 Silvano Beukes, 13 Camlo Martin, 12 Milaan van Wyk, 11 Denver Murorua, 10 Helarius Kisting, 9 Cameron Klassen, 8 Bradley Klazen (kapt), 7 Renaud van Neel, 6 Rheinhardt Carelse, 5 Enzio Nic Kotzee, 4 Kami Mieze, 3 Graham April, 2 Jeandre Cloete, 1 Tjino Tjirare.
Reserwes: Immanuel Samuel, Hilwen (Mince) Fourie, Muniovita Kasiringua, Freddie Puriza, Jay-C Olivier, Chess Lawrence, Lorenzo Louis.
Trustco United: 15 Riaan van Zyl, 14 Stefan Louw, 13 Jacques Le Hanie, 12 Mbimbo Mbai, 11 Nandivatu Karuuombe, 10 Darryl Vries, 9 Herman Stroh, 8 Shaun van Rooi, 7 Naudé Neethling, 6 Niël van Vuuren, 5 Lionel Nantes, 4 Winmar Rust (k), 3 Jason Benade, 2 Jonathan Goliath, 1 Simon Kanime.
Reserwes: Chris Swanepoel, Gerhard Opperman / Herman Grobler, Stefan Neustädt, Deon Blom, Henrico van Zyl, Fernando Moller, Henry Kandjou.
• Vanaand se ander kragmeting by Wanderers-veld lyk op papier meer voorspelbaar, maar het ewe veel op die spel.
Rehoboth Rugbyklub sal ondanks ’n terugvegpoging in die tweede helfte van die seisoen nie meer vir die halfeindronde kan kwalifiseer nie, maar vir FNB Wanderers sal vier, vyf of ses ligapunte ononderhandelbaar wees.
Die Wit Hingste was tot enkele weke terug nog gemaklik in die tweede posisie, maar ná ’n paar glipse klou hulle nou net danksy ’n beter punteverskil hieraan vas.
Wanderers sal op 21 Julie sy groepfase teen Unam afsluit en sal dan waarskynlik wéér wenpunte nodig hê om sy plek in die halfeind te konsolideer en moontlik die gesogte posisie in die SA Rugby Gold Cup in te palm.
Beide wedstryde om 20:00 word deur die tweede spanne se reserweliga-botsings vooraf gegaan.
LYN JONES
Die Namibië Rugbymaatskappy sal volgende week vergader om die afrigterskap van die Windhoek Draught Welwitschias vir hul aanslag op die Curriebeker eerste liga vanaf einde Augustus te bespreek.
Die Wallieser Lyn Jones, wat onverwags sy bedanking na afloop van die SuperSport-uitdaagreeks aangekondig het, is die afgelope naweek as die nasionale afrigter van Rusland onthul.
Rusland het reeds vir die 2019 Wêreldbeker gekwalifiseer – te danke aan die penalisering van Roemenië, Spanje en België wat almal onkiesbare spelers gebruik het.
Rusland is in ’n WB-groep met Skotland, Ierland, die gasheerland Japan en nog ’n kwalifiseerder geplaas.
Die besluitnemers in Namibiese rugby sal moet besluit of hulle die plaaslike amateurspan in die hande gaan plaas van een van die afrigterskorps soos Roger Thompson, JP Nel en Jaco Engels wat die afgelope jare in die nasioanale opset betrokke was.
Die ander opsie is die ervare Johan Diergaardt, wie se vernuf reeds bewys is nadat sy Unam-span die laaste drie premierliga-titels op indrukwekkende wyse verower het.
Die storie van Joffrey Prats se insluiting om vanaand teen Trustco United te speel, begin meer as tien jaar gelede, toe mnr. Johan Diergaardt, nou afrigter van Unam, die Namibiese span na die 2007 Wêreldbeker in Frankryk geneem het.
Diergaardt se hegte vriendskap met mnr. Pierre Prats, ’n Franse ondersteuner van die Namibiese span, het daar ontstaan en het nog nooit gekwyn nie. By die 2015 Wêreldbeker in Engeland het die twee weer bymekaar gekom en saam as toeskouers in ’n beknopte karretjie agter Namibië se wedstryde aan gery.
“Sy seun Joffrey het ná skool ’n beroepskursus as professionele rugbyspeler in Lyon gevolg. Twee jaar terug het hy ook ’n Franse o.23 vyftiental gehaal wat in Suid-Afrika kom toer het en teen drie provinsiale unies gespeel het,” vertel Diergaardt.
“Joffrey fokus tans eers op die voltooiing van sy studies en is dus nie ’n beroepspeler nie. Hy en sy pa toer tans hier en ons het besluit om sy droom te help bewaarheid om ’n rugbywedstryd in Afrika te speel.
“Hoewel die mannetjie eintlik ’n losskakel is, sal ons hom op heelagter gebruik omdat ons agterlyn se tekens gewonlik deur die losskakel bepaal word en ons nie tyd het om taalverskille uit die weg te ruim nie.”
Volgens Diergaardt sal sy span nie aan motivering tekort kom nie.
“United het die ligapunte nodig om te verseker dat Kudus hom nie verbysteek en die vierde plek vir die semifinaal verseker nie, maar die bal is in ons hande om United geen guns te doen nie. Ons sal veel eerder (op 28 Julie) ’n halfeindstryd speel waarin Kudus na Windhoek moet reis.”
Nadat die kampioenspan Unam se rekord van 37 opeenvolgende oorwinnings vroeër vanjaar deur Wanderers verbreek is, het hulle intussen weer hul volgende vier wedstryde gewen.
Die aanslag van United kan egter nie gering geskat word nie, nadat hulle die vroeër ontmoeting teen Unam eers met die laaste beweging met ’n enkele punte verloor het.
United se afrigter, Jood Opperman, reken as sake vir die agterlyn reg verloop, kan hulle in hul finale wedstryd in die groepfase wel drieë druk om ligapunte te verseker en selfs ’n oorwinning beklink.
FNB Unam: 15 Joffery Prats, 14 Silvano Beukes, 13 Camlo Martin, 12 Milaan van Wyk, 11 Denver Murorua, 10 Helarius Kisting, 9 Cameron Klassen, 8 Bradley Klazen (kapt), 7 Renaud van Neel, 6 Rheinhardt Carelse, 5 Enzio Nic Kotzee, 4 Kami Mieze, 3 Graham April, 2 Jeandre Cloete, 1 Tjino Tjirare.
Reserwes: Immanuel Samuel, Hilwen (Mince) Fourie, Muniovita Kasiringua, Freddie Puriza, Jay-C Olivier, Chess Lawrence, Lorenzo Louis.
Trustco United: 15 Riaan van Zyl, 14 Stefan Louw, 13 Jacques Le Hanie, 12 Mbimbo Mbai, 11 Nandivatu Karuuombe, 10 Darryl Vries, 9 Herman Stroh, 8 Shaun van Rooi, 7 Naudé Neethling, 6 Niël van Vuuren, 5 Lionel Nantes, 4 Winmar Rust (k), 3 Jason Benade, 2 Jonathan Goliath, 1 Simon Kanime.
Reserwes: Chris Swanepoel, Gerhard Opperman / Herman Grobler, Stefan Neustädt, Deon Blom, Henrico van Zyl, Fernando Moller, Henry Kandjou.
• Vanaand se ander kragmeting by Wanderers-veld lyk op papier meer voorspelbaar, maar het ewe veel op die spel.
Rehoboth Rugbyklub sal ondanks ’n terugvegpoging in die tweede helfte van die seisoen nie meer vir die halfeindronde kan kwalifiseer nie, maar vir FNB Wanderers sal vier, vyf of ses ligapunte ononderhandelbaar wees.
Die Wit Hingste was tot enkele weke terug nog gemaklik in die tweede posisie, maar ná ’n paar glipse klou hulle nou net danksy ’n beter punteverskil hieraan vas.
Wanderers sal op 21 Julie sy groepfase teen Unam afsluit en sal dan waarskynlik wéér wenpunte nodig hê om sy plek in die halfeind te konsolideer en moontlik die gesogte posisie in die SA Rugby Gold Cup in te palm.
Beide wedstryde om 20:00 word deur die tweede spanne se reserweliga-botsings vooraf gegaan.
LYN JONES
Die Namibië Rugbymaatskappy sal volgende week vergader om die afrigterskap van die Windhoek Draught Welwitschias vir hul aanslag op die Curriebeker eerste liga vanaf einde Augustus te bespreek.
Die Wallieser Lyn Jones, wat onverwags sy bedanking na afloop van die SuperSport-uitdaagreeks aangekondig het, is die afgelope naweek as die nasionale afrigter van Rusland onthul.
Rusland het reeds vir die 2019 Wêreldbeker gekwalifiseer – te danke aan die penalisering van Roemenië, Spanje en België wat almal onkiesbare spelers gebruik het.
Rusland is in ’n WB-groep met Skotland, Ierland, die gasheerland Japan en nog ’n kwalifiseerder geplaas.
Die besluitnemers in Namibiese rugby sal moet besluit of hulle die plaaslike amateurspan in die hande gaan plaas van een van die afrigterskorps soos Roger Thompson, JP Nel en Jaco Engels wat die afgelope jare in die nasioanale opset betrokke was.
Die ander opsie is die ervare Johan Diergaardt, wie se vernuf reeds bewys is nadat sy Unam-span die laaste drie premierliga-titels op indrukwekkende wyse verower het.
Kommentaar
Republikein
Geen kommentaar is op hierdie artikel gelaat nie