Franken se heengaan op 32 gans te vroeg

Andrew PoolmanRugbymense in beide Namibië en die Wes-Kaap het met skok verneem van die skielike heengaan van die slot Henk Franken op die jeugdige ouderdom van net 32 jaar 285 dae.Franken is na verneem word eergisteroggend in sy kombuis gevind, met 'n hartaanval wat as die waarskynlike oorsaak van sy dood uitgewys word.Franken is kort voor die 2011 Wêreldbeker deur die destydse Namibiese afrigter, mnr. Johan Diergaardt, raakgesien toe hy aan die nasionale proewe kom deelneem het en is vir die toernooi in Nieu-Seeland gekies. Sy afmetings destyds was 112 kilogram en 1.96 meter lank.As slot was hy dus een van die seldsame groepie spelers wat hul toetsdebuut in 'n Wêreldbeker gemaak het, toe hy in Rotorua teen Samoa gespeel het.Gedurende die 2012-seisoen, met Danie Vermeulen wat as nasionale afrigter oorgeneem het, het Franken in sy laaste twee toetse vir Namibië gespeel. Tydens die toer na Madagaskar het hy in die naelskraapse wentoets teen Senegal (20-18) asook die dramatiese verloortoets teen Madagaskar in bykomende speeltyd (54-57) gespeel.“Ek is steeds baie diep geskok. Henk was deel van ons span in 2011 – 'n vriendelike en bedagsame speler wat hard gewerk het en altyd op sy plek was. Ek persoonlik dink hy kon meer bygedra het indien hy meer gebruik was deur die Namibiese afrigters wat ná my aangestel was,” het Diergaardt gister aan die koerant gesê.Franken het sy hoërskoolloopbaan by Charlie Hofmeyr op Ceres voltooi en was 'n finansiële adviseur by Old Mutual. Hy het sy klubrugby vir die Kaapse klubs Villagers en Hamiltons (2012-2019) gespeel.Die voormalige Namibiese slot van FNB Wanderers, Stef Botha, sê hy het vir drie seisoene saam met Franken by Hamiltons gespeel.“Henk was 'n man met 'n sagte, vriendelike hart en die vroue het gevrek oor hom. As jy met hom praat, het hy altyd geglimlag. “Hy was 'n goeie rugbyspeler wat Saterdae die ondersteuners van Hamilton laat skree het 'Henk The Tank' as hy die bal dra. Ek het baie opgesien na hom toe toe ek daar aangesluit het en is bevoorreg dat hy my spanmaat en vriend geword het.“Henk was 'n great ou, 'n gentle giant ... Hy is heeltemal te vroeg weg.”

Franken se heengaan op 32 gans te vroeg

Kommentaar

Republikein 2026-02-04

Meld asseblief aan om kommentaar te lewer

Franken se heengaan op 32 gans te vroeg

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.