Foute vertraag padopgradering op Otavi
Vier kontrakteurs kom nie die mas op
Tanja Bause - Die gedeelte van Republiekweg op Tsumeb wat in die verlede tydens reënbuie in 'n onooglike modderpoel ontaard het, sal eersdaags 'n total nuwe oppervlak hê.
Die gewraakte deel van die straat voor die polisiekantoor en die Otavi Spar word tans met sluitstene uitgelê.
Die projek is in November verlede jaar begin, maar ná vier kontrakteurs die projek nie kon voltooi nie, het mnr. Dries Jacobs van Ronin Build and Consult die werk oorgeneem. Hy moet egter die foute van die vorige kontrakteurs eers regmaak voordat sy werk kan voortgaan.
Jacobs het reeds 500 kubieke meter klip verwyder om die 250 m-gedeelte van die pad reguit te maak.
“Die straat het geen behoorlike dreinering gehad nie en dus het die water by die kruising só opgedam dat motors wat daardeur gery het, letterlik onder water was en gaan staan het,” het hy gesê.
Jacobs het ’n dreineringskanaal uit beton gebou en dit reeds getoets. In die toekoms sal die water dus wegloop.
Hy moes ook rioolpype oopgrawe en die grond kompakteer omdat die vorige kontrakteurs dit nie gedoen het nie. Die ou hoofwaterlyn uit asbes is ook verskuif.
Omdat die kontrak bepaal dat plaaslike werkers gebruik moet word, moes Jacobs eers arbeiders oplei wat die werk kan uitvoer.
“Die werkers op Otavi is nie gewoond aan padbou nie. Ek moes hulle oplei om sement te meng, en om die masjiene en toerusting te gebruik. Maar nou is daar opgeleide werkers wat die volgende kontrakteurs kan gebruik. Enige verbeteringe aan paaie sal van nou af baie vinniger kan gebeur omdat ’n opgeleide werksmag beskikbaar is,” het Jacobs gesê.
“Ek is daartoe verbind om die standaard te verhoog en die gehalte van my werk op daardie standaard te hou. Weens die vorige foute is alle oë nou op die projek gerig. Werk duur nou dus ietwat langer, maar ek sal nie die gehalte prysgee nie,” voeg hy by.
Jacobs het ook gesê hy wil ’n standaard skep vir Otavi sodat die klein, noordelike dorpie vir almal kan wys wat gedoen kan word. Ook meen hy die nuwe straat oefen 'n positiewe invloed op die gemeenskap uit, want hy sien hoe mense wat naby die pad woon, begin om hul tuine te verfraai.
Die gewraakte deel van die straat voor die polisiekantoor en die Otavi Spar word tans met sluitstene uitgelê.
Die projek is in November verlede jaar begin, maar ná vier kontrakteurs die projek nie kon voltooi nie, het mnr. Dries Jacobs van Ronin Build and Consult die werk oorgeneem. Hy moet egter die foute van die vorige kontrakteurs eers regmaak voordat sy werk kan voortgaan.
Jacobs het reeds 500 kubieke meter klip verwyder om die 250 m-gedeelte van die pad reguit te maak.
“Die straat het geen behoorlike dreinering gehad nie en dus het die water by die kruising só opgedam dat motors wat daardeur gery het, letterlik onder water was en gaan staan het,” het hy gesê.
Jacobs het ’n dreineringskanaal uit beton gebou en dit reeds getoets. In die toekoms sal die water dus wegloop.
Hy moes ook rioolpype oopgrawe en die grond kompakteer omdat die vorige kontrakteurs dit nie gedoen het nie. Die ou hoofwaterlyn uit asbes is ook verskuif.
Omdat die kontrak bepaal dat plaaslike werkers gebruik moet word, moes Jacobs eers arbeiders oplei wat die werk kan uitvoer.
“Die werkers op Otavi is nie gewoond aan padbou nie. Ek moes hulle oplei om sement te meng, en om die masjiene en toerusting te gebruik. Maar nou is daar opgeleide werkers wat die volgende kontrakteurs kan gebruik. Enige verbeteringe aan paaie sal van nou af baie vinniger kan gebeur omdat ’n opgeleide werksmag beskikbaar is,” het Jacobs gesê.
“Ek is daartoe verbind om die standaard te verhoog en die gehalte van my werk op daardie standaard te hou. Weens die vorige foute is alle oë nou op die projek gerig. Werk duur nou dus ietwat langer, maar ek sal nie die gehalte prysgee nie,” voeg hy by.
Jacobs het ook gesê hy wil ’n standaard skep vir Otavi sodat die klein, noordelike dorpie vir almal kan wys wat gedoen kan word. Ook meen hy die nuwe straat oefen 'n positiewe invloed op die gemeenskap uit, want hy sien hoe mense wat naby die pad woon, begin om hul tuine te verfraai.
Kommentaar
Republikein
Geen kommentaar is op hierdie artikel gelaat nie