FOTO’s: Laaste oefening voor rugbytoer

Andrew Poolman – Die verligting was groot toe Vrydagoggend se Covid-19-toetse vir die Namibiese nasionale rugby-oefengroep se uitslae later die middag ontvang is en almal negatief was.Enige positiewe uitslag kon na verneem word katastrofale gevolge gehad het vir Namibië se aanslag op kwalifisering vir die volgende Wêreldbekertoernooi. Waarnemende hoofafrigter Robbie Dickson en sy groep kon gevolglik wel vandag (Saterdag) die vliegtuig haal om via Addis Abeba na Abidjan, die hoofstad van die Ivoorkus, te vertrek.Namibië se nuut aangestelde nasionale afrigter, Allister Coetzee, sou ook vanuit Kaapstad vertrek om in Abidjan vir die eerste keer sedert sy onthulling eergister die spelersgroep aansluit.Rugby Afrika se eerste kwalifiserende mini-toernooi word vanaf 3 tot 10 Julie in Abidjan gespeel, met een van Namibië, Ivoorkus of Madagaskar wat uitgeskakel moet word en net twee wat oorleef om volgende jaar aan die bepalende WB-uitdunne deel te neem.Die plaaslike oefengroep het Vrydag vir oulaas in die Hage Geingob-stadion litte losgemaak, nadat hulle die afgelope week by ’n hotel in Windhoek in ’n bio-borrel geïsoleer was.Die Namibië Rugby-unie het sy toergroep nog nie amptelik aangekondig nie. Republikein kan egter op goeie gesag onthul watter spelers tydens die toer na Ivoorkus die belangrike eerste treë vir WB-kwalifisering moet gee.Twintig spelers was tot nou in afsondering, terwyl nog vier vanaf oorsese klubs vrygestel is om waarskynlik in Abidjan aan te sluit vir die finale oefendae.Die spelersgroep wat Vrydag byeen was (spelers sonder toetsondervinding met * gemerk:AGTERSPELERS* Ricardo Swartz (FNB Western Suburbs)Johann Tromp (Strela Kazan, Rusland)Oderich Mouton (FNB Unam)Gino Wilson (FNB Western Suburbs)* Ethan Beukes (FNB Wanderers)Peter-John Walters (FNB Western Suburbs)Lesley Klim (Jersey Reds, Engeland)* Hanreco van Zyl (Trustco United)* Riaan van Zyl (Trustco United)VOORSPELERSPrince !Gaoseb (FNB Unam)* Cameron Langenhoven (FNB Unam)Max Katjijeko (FNB Unam)Ruan Ludick (FNB Wanderers)Johan Retief (Luiperds, RSA)Nelius Theron (Luiperds, RSA)Jason Benade (Trustco United)* Simon Kanime (FNB Unam)André Rademeyer (FNB Grootfontein)Desiderius Sethie (FNB Unam)* Gerhard Thirion (Trustco United)Die ander vier spelers wat vanaf oorsese klubs moet aansluit, is Helarius Kisting (losskakel van Baia Mare, Roemenië), Pieter-Jan van Lill (Valence-Romans, Frankryk), Adriaan Booysen (Houston Sabercats, VSA) en Obert Nortjé (Seattle Seawolves, VSA).

FOTO’s: Laaste oefening voor rugbytoer

Kommentaar

Republikein 2025-12-17

Meld asseblief aan om kommentaar te lewer

FOTO’s: Laaste oefening voor rugbytoer

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.