Foschini-groep se wins styg sterk

Nellie Brand-Jonker - Die Britse klerewinkelgroep Phase Eight, wat The Foschini Group (TFG) meer as ’n jaar gelede gekoop het, het TFG se verkope in die boekjaar tot einde Maart met 31% tot R21,1 miljard help lig.Phase Eight uitgesluit het TFG se verkope in Suid-Afrika en in die res van Afrika met 11,6% gestyg.Phase Eight verkoop duurder klere en het ’n hoër winsmarge.TFG se wins in die boekjaar uit voortgesette bedrywighede het met 40% tot R2,1 miljard gestyg.Doug Murray, uitvoerende hoof van TFG, sê ’n goeie opbrengs is vir aandeelhouers gelewer ten spyte van die moeilike ekonomiese klimaat. Dit is danksy die groep se voortgesette fokus op kostebeheer en uitbreiding in Suid-Afrika en Afrika, wat aangevul is met die internasionale verkrygings en groei.TFG is lankal nie meer hoofsaaklik ’n vrouekleregroep nie en besit benewens Foschini, Exact en Donna-Claire ook Markham, Fabiani, @home, American Swiss, Sterns, Totalsports, Sportscene, Duesouth en die selfoonwinkels Hi.Murray glo dit is dié diversifikasie wat TFG so sukesvol maak.“Ons het jare gelede besluit om na ander kategorieë uit te brei sodat ons nie vasgevang is in een kategorie wat wêreldwyd moeilik is nie, naamlik die massa- middelkleremark vir vroue, wat baie prysgedrewe is.”Dit het die groep ook voorberei op die koms van reuse- internasionale winkelgroepe soos H&M na Suid-Afrika.Hy sê hulle het meer as 2 400 winkels in Suid-Afrika terwyl H&M nog net drie winkels het. “Hul koms raak net een van ons handelsname, naamlik Foschini, en ons is gelukkig met verkope daar.”Uitgesluit Phase Eight het verkope in Suid-Afrika en in Afrika in vergelykbare winkels, dus dieselfde winkels as wat in die vorige boekjaar oop was, met 5,7% gestyg.Sy interne prysinflasie was 8%, wat dus eintlik beteken dat die volume verkope in vergelykbare winkels gedaal het.Murray sê die daling in volumes hou verband met spesifieke handelsname se interne inflasie.“Ons het 22 handelsname in die groep, en by sommige het hoër inflasiekoerse tot ’n daling in volumes gelei, maar by ander is volumes weer wesenlik hoër.”Hy verwag dat prysinflasie effens gaan versnel en vir die res van die jaar gemiddeld 8% of 9% sal wees weens die verswakking van die rand.Afhangend van hoeveel ingevoer word, sal sekere handelsname hoër prysstygings ervaar, maar ander gaan weer laer prysstyings hê.Volgens hom het TFG jare gelede al ’n strategiese besluit geneem om sekere vervaardiging in Suid-Afrika te laat doen.Vir sommige klerehandelsname word tot 50% van die klere plaaslik vervaardig.TFG het net voor sy jaareinde nog ’n Britse kleregroep, Whistles, vir R191 miljoen gekoop. Murray sê hoewel daar op ’n weeklikse grondslag verkrygingsgeleenthede aan hulle gebied word en hulle altyd op die uitkyk vir verkrygings is, is dit nou hul prioriteit om Whistles en Phase Eight eers in te wortel. - Netwerk24

Foschini-groep se wins styg sterk

Kommentaar

Republikein 2025-07-17

Meld asseblief aan om kommentaar te lewer

Foschini-groep se wins styg sterk

Kommentaar

Republikein 2025-07-17

Meld asseblief aan om kommentaar te lewer

MELD AAN

Advertensie