FNB Namibia hét EBank, Pointbreak

Jo-Maré Duddy – FNB Namibia Holdings neem aan die einde vandeesmaand ten volle beheer van EBank en Pointbreak oor, het dié finansiële reus in 'n verklaring bevestig.
Dít volg ná die Namibiese Regulatoriese Owerheid vir Finansiële Instellings (Namfisa), die Bank of Namibia (BoN), die Namibiese Mededingingskommissie (NaCC) en die Suid-Afrikaanse Reserwebank goedkeuring verleen het dat FNB Namibia 100% van EBank en Pointbreak mag verkry.
Pointbreak het ‘n minderheidsaandeelhouding in Stimulus Investments Ltd, wat 100% van Namibia Media Holdings (NMH) besit. NMH is die beheermaatskappy van onder meer Republikein, Namibian Sun, Allgemeine Zeitung en Newsprint Namibia.
Die goedkeurde transaksie beteken FNB Namibia besit 39% van NMH.