FNB deel van geding om Fishrot-geld

Ogone Tlhage – First National Bank Namibia het bykomende dokumente by die hoërhof in Windhoek ingedien en hom daardeur by die grootste korrupsiesaak in die land se geskiedenis betrek.Die bank poog om sowat N$5,3 miljoen se gefinansierde eiendomme wat aan twee van die Fishrot-beskuldigdes behoort het, terug te kry voordat die beskuldigdes se bates aan die staat verbeurd verklaar en moontlik verkoop word.Volgens FNB se argumente in hofstukke het hy geen rede gehad om te vermoed dat die bates die met opbrengs uit onwettige aktiwiteite gekoop is nie.Die bank wil glo sy belange in sekere losgoed en vaste (roerende en onroerende) bates wat deur hom gefinansier word, beskerm.Dit sluit die volgende drie eiendomme in: Gedeelte 299 van die plaas Finkenstein nr. 526, erf 5052 in Ongwediva se uitbreiding 11, erf 509 in Windhoek se Hochland Park. Daarbewens het die bank ook 'n belang by die volgende voertuie: 'n Toyota Hilux-dubbelkajuit 2.8 GD6, 'n Mercedes Benz SL en 'n Land Rover Range Rover.Die bates word deur mnre. Tamson "Fitty" Hatuikulipi en Ricardo Gustavo besit.DEEL VAN OPBRENGS AAN HUL ‘VERSKULDIG’In die hofstukke wat Dinsdag ingedien is, versoek FNB dat regter Orben Sibeya gelas indien die bates moontlik in die toekoms verkoop word, die bank dít sal kry wat aan hom verskuldig is omdat hy dit finansier.“In die geval van enige van die bates wat deur die kurator vervreem word, sal van die opbrengs eers aan die applikant (bank) toegeken word tot die omvang van die bedrag wat aan hom verskuldig is ten opsigte van elke bate, en die balans wat deur die kurator gekonfiskeer of hanteer word ingevolge die bevel,” het die bank aangevoer.Die bates wat uitgesluit is, was dié wat waarskynlik nie tot enige konfiskasiebevel sou bydra nie, lui die stukke“FNB is geregtig om by die verrigtinge aan te sluit om sy belange te beskerm. Krediteure wat hulself in die posisie van FNB bevind, moet slim wees om hul regte te laat geld voordat die bevel vir beslaglegging finaal gemaak word,” voer FNB aan.Partye sal op 26 Januarie in die hoërhof in Windhoek verskyn in dié aansoek ingevolge die wet op die voorkoming van georganiseerde misdaad (Poca) wat in 2020 deur die aanklaer-generaal, adv. Martha Imalwa, ingedien is. Sy vra daarin vir 'n tussentydse bevel vir die beslaglegging van die Fishrot-beskuldigdes se bates.KURATOR VIR GOEDEREFNB het probeer om by die saak aan te sluit deur ’n kurator vir die betrokke bates te kry.'n Kurator word in regsaangeleenthede aangestel om beslag te lê en die bates van beskuldigdes te administreer totdat die aangeleentheid afgehandel is.Imalwa het ’n vorige aansoek van FNB teengestaan op grond daarvan dat die bank geheel en al deur die bepalings van die Poca beskerm is, asook dat die bank eers verlof moes vra hom tot die saak gevoeg te word, voordat hy vir verdere bevele vra.Sy het ook destyds ’n voeging teengestaan op grond daarvan dat die kurator eers aangestel moes word.– republikein@republikein.com.na

FNB deel van geding om Fishrot-geld

Kommentaar

Republikein 2025-11-06

Meld asseblief aan om kommentaar te lewer

FNB deel van geding om Fishrot-geld

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.