Floyd-moordverhoor: Skuldig!
Derek Chauvin (45), gewese polisielid van Minneapolis, is skuldig bevind aan die moord op George Floyd (46).
’n Jurie het gisteraand laat (Namibiese tyd) dié beslissing gemaak.
Chauvin is skuldig bevind op al drie aanklagte waarop hy tereg gestaan het: moord in die tweede en derde graad en manslag in die tweede graad. Die jurie het vir minder as 'n dag beraadslaag, berig die BBC.
Vroeër is berig die hof het besluit op ’n tydsverloop van sowat ’n uur vandat regter Peter Cahill die tyding ontvang het dat die jurie ’n bevinding gemaak het totdat dié bevinding in die hof uitgelees is, het The Guardian berig. Dit is omdat owerhede werknemers as voorsorgmaatreël die geleentheid wou gee om die hofgebou in Minneapolis in die deelstaat Minnesota te verlaat om huis toe te gaan.
Die hof het Maandag gehoor dat Chauvin (45) afstand gedoen het van sy reg om voor die jurie te getuig.
Die saak het wêreldwyd opspraak gemaak toe ’n omstander in Mei 2020 ’n video geneem het toe Chauvin nege minute lank sy knie op Floyd, wat reeds geboei was, se nek gedruk het.
Floyd het probeer om ’n vervalste $20-noot te gebruik om sigarette mee te koop.
Die video het internasionale betogings oor rassisme en polisiegeweld tot gevolg gehad.
Die saak het op 8 Maart vanjaar begin. - Netwerk24
Foto Nampa/Xinhua
’n Jurie het gisteraand laat (Namibiese tyd) dié beslissing gemaak.
Chauvin is skuldig bevind op al drie aanklagte waarop hy tereg gestaan het: moord in die tweede en derde graad en manslag in die tweede graad. Die jurie het vir minder as 'n dag beraadslaag, berig die BBC.
Vroeër is berig die hof het besluit op ’n tydsverloop van sowat ’n uur vandat regter Peter Cahill die tyding ontvang het dat die jurie ’n bevinding gemaak het totdat dié bevinding in die hof uitgelees is, het The Guardian berig. Dit is omdat owerhede werknemers as voorsorgmaatreël die geleentheid wou gee om die hofgebou in Minneapolis in die deelstaat Minnesota te verlaat om huis toe te gaan.
Die hof het Maandag gehoor dat Chauvin (45) afstand gedoen het van sy reg om voor die jurie te getuig.
Die saak het wêreldwyd opspraak gemaak toe ’n omstander in Mei 2020 ’n video geneem het toe Chauvin nege minute lank sy knie op Floyd, wat reeds geboei was, se nek gedruk het.
Floyd het probeer om ’n vervalste $20-noot te gebruik om sigarette mee te koop.
Die video het internasionale betogings oor rassisme en polisiegeweld tot gevolg gehad.
Die saak het op 8 Maart vanjaar begin. - Netwerk24
Foto Nampa/Xinhua
Kommentaar
Republikein
Geen kommentaar is op hierdie artikel gelaat nie