Flippie wys hy is tawwe kalant
Olimpiese Spele
Tielman van Lill – Op 23-jarige leeftyd het Phillip Seidler van Swakopmund gister in sy geskiedkundige eerste Olimpiese Spele gewys sy kwalifisering vir die 10 kilometer-oopwaterswemmarathon by die Odaiba Marine Park in Tokio was nie ’n vloekskoot nie.
Seidler het saam met ’n groep in die 16de plek geëindig, wat glad nie te versmaai is nie. Hy het teen ’n uitgelese veld van Olimpiese en wêreldmedaljewenners sy kleim afgesteek in ontsettende warm water (29 tot 30 grade Celsius!) waaraan min van hulle is gewoond is.
Seidler wat skaars ses weke gelede van Covid-19 moes herstel, se tyd in Tokio was ’n hele tien minute vinniger as tydens die Olimpiese kwalifiserende kompetisie vroeër vanjaar in Setubal, Portugal (2:03:11.20).
Hy was ook vinniger as toe hy in 2020 en vanjaar by die Suid-Afrikaanse kampioenskap beide kere die brons onderskeidelik in 1:58:04.6 en 1:55:06 opgeraap het.Seidler kon nie teen druktyd vir kommentaar bereik word nie, maar op sosiale media het Namibiërs geen twyfel gelaat dat hulle groot waardering het vir sy verstommende spoeduithouvermoë teen die bestes in dié uitmergelende swemkode nie.
Die nuwe Olimpiese kampioen, Florian Wellbrock van Duitsland, het in 2019 ook by die wêreldkampioenskap in Gwangju, Suid-Korea, goud verower. Hy het vroeg al van die res weggebreek en is nooit weer ingehaal nie.
Die kompetisie tussen die voorste swemmers was nietemin geweldig. Kristof Rasovszky van Hongarye (tweede) is ewe bedrewe in die 10 km marathon. Hy was vierde by die 2019 wêreldkampioenskap en vyfde by die 2020 Europese kampioenskap.
Gregorio Paltrinieri eindig derde vir ’n bronsmedalje om by sy goud van die 2020 Euro-kampioenskap te voeg. Die Italianer was sesde by die 2019 wêreldkampioenskap.
Nederland Ferry Weertman, die verdedigende 2016 Olimpiese kampioen in Rio de Janeiro, pronk ook as 2014 en 2016 Euro-kampioen. Sy lang medaljelys sluit ’n silwer by die 2015 wêreldkampioenskap in. Hy was saam met Marc-Antoine Olivier (brons in Rio, silwer by die 2019 WK), van die mees gedugte swemmers teen wie Seidler moes kompeteer.
Tunisië se 37-jarige legende Oussama Mellouli (2012 Olimpiese kampioen) was van die gesoute marathonswemmers wat ná Seidler klaargemaak het.
Die voorste uitslae:
Goud: Florian Wellbrock (23, Duitsland) 1:48:33.7 (5.52 km/h)
Silwer: Kristof Rasovszky (24, Hongarye) 1:48:59.0
Brons: Gregorio Paltrinieri (26, Italië) 1:49:01.1
4 Matan Roditi (22, Israel) 1:49:24.9
5 Athanasios Kynigakis (22, Griekeland) 1:49:29.2
6 Marc-Antoine Olivier (25, Frankryk) 1:50:23.0
7 Ferry Weertman (29, Nederland) 1:51:30.8
8 Michael McGlynn (21, Suid-Afrika) 1:51:32.7
16 Phillip Seidler (23, Namibië) 1:53:14.1 (5.29 km/h)
19 Kirill Abrosimov (29, Rusland) 1:54:29.3
20 Oussama Mellouli (37, Tunisië) 1:56:33.3
Hector Pardoe, die 20-jarige Brit wat eerste in die Olimpiese kwalifiserende kompetisie was, moes voortydig onttrek toe hy ’n geweldige hou met ’n elmboog teen die oog gekry het. Pardoe het agterna gesê hy kon niks sien nie en het op daardie oomblik gedink sy hele oog is uitgeslaan. Davi Aubry (24, Frankryk) het ook nie klaargemaak nie.
Seidler het saam met ’n groep in die 16de plek geëindig, wat glad nie te versmaai is nie. Hy het teen ’n uitgelese veld van Olimpiese en wêreldmedaljewenners sy kleim afgesteek in ontsettende warm water (29 tot 30 grade Celsius!) waaraan min van hulle is gewoond is.
Seidler wat skaars ses weke gelede van Covid-19 moes herstel, se tyd in Tokio was ’n hele tien minute vinniger as tydens die Olimpiese kwalifiserende kompetisie vroeër vanjaar in Setubal, Portugal (2:03:11.20).
Hy was ook vinniger as toe hy in 2020 en vanjaar by die Suid-Afrikaanse kampioenskap beide kere die brons onderskeidelik in 1:58:04.6 en 1:55:06 opgeraap het.Seidler kon nie teen druktyd vir kommentaar bereik word nie, maar op sosiale media het Namibiërs geen twyfel gelaat dat hulle groot waardering het vir sy verstommende spoeduithouvermoë teen die bestes in dié uitmergelende swemkode nie.
Die nuwe Olimpiese kampioen, Florian Wellbrock van Duitsland, het in 2019 ook by die wêreldkampioenskap in Gwangju, Suid-Korea, goud verower. Hy het vroeg al van die res weggebreek en is nooit weer ingehaal nie.
Die kompetisie tussen die voorste swemmers was nietemin geweldig. Kristof Rasovszky van Hongarye (tweede) is ewe bedrewe in die 10 km marathon. Hy was vierde by die 2019 wêreldkampioenskap en vyfde by die 2020 Europese kampioenskap.
Gregorio Paltrinieri eindig derde vir ’n bronsmedalje om by sy goud van die 2020 Euro-kampioenskap te voeg. Die Italianer was sesde by die 2019 wêreldkampioenskap.
Nederland Ferry Weertman, die verdedigende 2016 Olimpiese kampioen in Rio de Janeiro, pronk ook as 2014 en 2016 Euro-kampioen. Sy lang medaljelys sluit ’n silwer by die 2015 wêreldkampioenskap in. Hy was saam met Marc-Antoine Olivier (brons in Rio, silwer by die 2019 WK), van die mees gedugte swemmers teen wie Seidler moes kompeteer.
Tunisië se 37-jarige legende Oussama Mellouli (2012 Olimpiese kampioen) was van die gesoute marathonswemmers wat ná Seidler klaargemaak het.
Die voorste uitslae:
Goud: Florian Wellbrock (23, Duitsland) 1:48:33.7 (5.52 km/h)
Silwer: Kristof Rasovszky (24, Hongarye) 1:48:59.0
Brons: Gregorio Paltrinieri (26, Italië) 1:49:01.1
4 Matan Roditi (22, Israel) 1:49:24.9
5 Athanasios Kynigakis (22, Griekeland) 1:49:29.2
6 Marc-Antoine Olivier (25, Frankryk) 1:50:23.0
7 Ferry Weertman (29, Nederland) 1:51:30.8
8 Michael McGlynn (21, Suid-Afrika) 1:51:32.7
16 Phillip Seidler (23, Namibië) 1:53:14.1 (5.29 km/h)
19 Kirill Abrosimov (29, Rusland) 1:54:29.3
20 Oussama Mellouli (37, Tunisië) 1:56:33.3
Hector Pardoe, die 20-jarige Brit wat eerste in die Olimpiese kwalifiserende kompetisie was, moes voortydig onttrek toe hy ’n geweldige hou met ’n elmboog teen die oog gekry het. Pardoe het agterna gesê hy kon niks sien nie en het op daardie oomblik gedink sy hele oog is uitgeslaan. Davi Aubry (24, Frankryk) het ook nie klaargemaak nie.
Kommentaar
Republikein
Geen kommentaar is op hierdie artikel gelaat nie