#Fishrot-vyf na gevangenis verskuif

03 January 2020 | Misdaad
Denver Kisting – Die Namibiese polisie het gister by monde van hul nasionale woordvoerder, adj.komm. Kauna Shikwambi, bevestig die mans wat met grootskaalse plundering van viskwotas verbind word, word van die Seeis-polisiestasie verskuif.

Volgens Shikwambi sal mnre. Sacky Shanghala, die voormalige minister van justisie, James Hatuikulipi, Ricardo Gustavo, Tamson Hatuikulipi en Pius Mwatelulo voortaan in die Windhoek sentrale gevangenis aangehou word.

Die sesde lid van die #Fishrot-beskuldigdes, mnr. Bernhard Esau, word steeds onder polisiebewaking in ’n private hospitaal in Windhoek behandel.

Hy is Maandagmiddag hier opgeneem nadat hy volgens genl.maj. Anne-Marie Nainda, die waarnemende polisiehoof, glo ongesteld geraak het.

Adj.komm. Abner Agas, koördineerder van misdaadondersoeke in die Khomasstreek, het gesê Esau is vir waarneming opgeneem.

Nóg hy nóg Nainda wou sê wat makeer die eertydse minister van visserye en mariene hulpbronne.

Die sestal het Kersfees in aanhouding by die polisiekantoor aan die buitewyke van Windhoek deurgebring ná hulle vroeër ’n aansoek om borgtog in die landdroshof laat vaar het.

Hulle het hulle sedertdien onsuksesvol tot die hoërhof gewend in ’n dringende aansoek om vrygelaat te word.

Gevolglik het vyf die nuwe jaar by Seeis en een in die hospitaal tegemoetgegaan.

Hulle is verlede jaar op stemdag, 27 November, in hegtenis geneem weens beweerde korrupsie, bedrog en geldwassery ten bedrae van etlike miljoene Namibiese dollar in die Namibiese visbedryf.

Esau en Gustavo, wat die vorige naweek ook aangekeer is, was daardie week suksesvol toe die hoërhof ’n aanvanklike lasbrief vir hul inhegtenisneming ter syde gestel het.

Dié hof het bevind die besonderhede wat op die lasbrief verskyn het, was te vaag.

’n Leser het gister op Facebook oor die jongste nuus laat hoor: “Ja, goed so. Staar die realiteit in die gesig (sic). Wens julle ’n lang, geseënde en voorspoedige tronkstraf toe.”

Pres. Hage Geingob, wat gereeld in die spervuur was oor die hantering van die skandaal rondom Esau en Shanghala, het Dinsdagaand in sy Nuwejaarsrede gesê: “Ons toewyding aan deursigtigheid en vertroue in ons prosesse, stelsels en instellings moet ons toelaat om beskuldigdes, wat by verkeerde dade betrek word, toe te laat om deur gepaste regsprosesse verhoor te word.”

Hulle het die dag toe ’n Engelse dagblad die beweerde korrupsie oopgevlek het, bedank.

Volgens Geingob sou hy hulle afgedank het indien hulle nie self die tuig neergelê het nie.

Sedertdien is albei aan die Nasionale Vergadering (NV) onttrek en verwyder van Swapo se NV-lys vir die volgende vyf jaar.

[email protected]

Soortgelyk

 

Te min isolasie, suurstof vir Walvis se episentrum

6 ure gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

6 ure gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

6 ure gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

6 ure gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

6 ure gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

6 ure gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...

Melgesedek vlieg hoog

6 ure gelede | Mense

Jeanette Diergaardt – Met 'n kraakvars wit T-hemp, styfpassende donkerblou jeans wat net-net by die enkels kom en gepunte, blinkgepoetste swart skoene stap Melge­sedek Hamukoto...

Blik op Erongo se kwarantyn-fasiliteite

6 ure gelede | Gesondheid

Jemima Beukes – ’n Krisis is besig om in die Erongostreek te ontwikkel waar verskeie Covid-19 pasiënte self-isolasie moet toepas in agterplaas-vertrekke, terwyl staatsfasiliteite oorvol...

Lüderitz ’n skatkis van juweeltjies

6 ure gelede | Toerisme

Tanja Bause – Die Covid-19 pandemie en die wêreldwye hoktye en reisbeperkings het veral die toerismebedryf gedwing om buite die boks te dink. Besluitnemers moes...