Fishrot: Gustavo kry borgtog
Hoewel mnr. Ricardo Gustavo vrygelaat is, moet hy N$800 000 betaal en verskeie streng voorwaardes nakom.
Kristien Kruger
Uit die agt Fishrot-beskuldigdes wat in hegtenis geneem en agter tralies is, is die eerste een gister op borgtog vrygelaat.
Die gewese kliëntediens-direkteur by Investec Asset Management Namibia, mnr. Ricardo Gustavo, se formele aansoek om borgtog is gister in die hoërhof in Windhoek toegestaan.
Volgens die bevel moet hy N$800 000 betaal en dan kan hy na sy huis op Finkenstein terugkeer.
Regter Herman Oosthuizen sal eers op 21 Desember die redes vir sy uitspraak bekendmaak. Volgens hom is die uitspraak nog nie gereed nie, maar het hy nogtans besluit om gister die hofbevel te gee.
VOORWAARDES
Tesame met die bedrag van N$800 000 het Oosthuizen 16 voorwaardes gestel wat Gustavo tydens sy borgtog moet nakom.
Die eerste voorwaarde is dat indien Gustavo nie daarin slaag om die volle bedrag van N$800 000 te betaal nie, sal hy toegelaat word om ’n waarborg te verskaf deur ’n borg wat N$500 000 sal betaal. Borgtog word aan die staat verbeur indien die beskuldigde vlug, of probeer ontvlug.
Gustavo moet twee keer per dag by die Kapps Farm-polisiekantoor aanmeld en sal drie keer per week by die kantoor van die Teenkorrupsiekommissie (ACC) inklok.
Vanaf 14:00 tot seweuur die volgende oggend word hy belet om Finkenstein te verlaat en hy mag nie vanaf 18:00 tot 06:00 buite sy erf beweeg nie. Hy mag ook geen inwoners van die landgoed besoek nie.
Hy moet ook by die hek van die landgoed in- en uitteken wanneer hy die perseel verlaat.
Hy mag nie in besit van enige reisdokumente wees nie en mag nie binne ’n radius van 25 km van die Internasionale Lughawe Hosea Kutako of ’n radius van 1 km van die Eros-lughawe beweeg nie. Hy word ook belet om verder as ’n 22 km-radius vanaf die Windhoekse stadsraad se hoofkantore te beweeg.
Gustavo mag nie met staatsgetuies, medebeskuldigdes of voormalige buitelandse sakevennote kommunikeer nie.
GPS-OPSPORINGSTOESTEL
Gustavo het tydens sy getuienis gesê hy sal bereid wees om ’n GPS-toestel te dra sodat al sy bewegings dopgehou kan word. Hy het selfs aangebied om vir die toestel te betaal.
Oosthuizen het wel beslis die staat kan so ’n toestel op hul eie koste aankoop en aan Gustavo se pols of enkel vasmaak sodat hulle sy bewegings 24 uur per dag sewe dae ’n week kan monitor.
Gustavo het ook aan die einde van die verhoor aan Oosthuizen bevestig hy het ’n moontlike werk vir ingeval hy op borgtog vrygelaat word. Hy sal glo van die huis af werk en geld verdien om sy regskoste te dek.
Oosthuizen het in sy bevel hiervoor voorsiening gemaak.
“Die beskuldigde sal toegelaat word om winsgewende diens te betree, maar bly onderhewig aan sy borgtogvoorwaardes.”
Gustavo mag in diens geneem word by enige party wat in Namibië of elders geleë en geregistreer is, buiten vir Angola, Ysland en die Verenigde Arabiese Emirate, op voorwaarde sodanige werkgewer se identiteit word aan die kantoor van die aanklaer-generaal bekend gemaak.”
Volgens die bevel het die Namibiese polisie toestemming om die bogenoemde voorwaardes wettiglik te monitor.
Sy medebeskuldigdes mnre. Sacky Shanghala, voormalige minister van justisie, James Hatuikulipi, voormalige voorsitter van Fishcor, Mike Nghipunya, voormalige uitvoerende hoof van Fishcor, Pius Mwatelulo, Otneel Shuudifonya en Phillipus Mwapopi se formele aansoek om borgtog sal op 24 Januarie hervat.
Mnr. Nigel van Wyk het verlede maand sy aansoek om borgtog teruggetrek en sal glo volgende jaar opnuut aansoek doen.
– [email protected]
Uit die agt Fishrot-beskuldigdes wat in hegtenis geneem en agter tralies is, is die eerste een gister op borgtog vrygelaat.
Die gewese kliëntediens-direkteur by Investec Asset Management Namibia, mnr. Ricardo Gustavo, se formele aansoek om borgtog is gister in die hoërhof in Windhoek toegestaan.
Volgens die bevel moet hy N$800 000 betaal en dan kan hy na sy huis op Finkenstein terugkeer.
Regter Herman Oosthuizen sal eers op 21 Desember die redes vir sy uitspraak bekendmaak. Volgens hom is die uitspraak nog nie gereed nie, maar het hy nogtans besluit om gister die hofbevel te gee.
VOORWAARDES
Tesame met die bedrag van N$800 000 het Oosthuizen 16 voorwaardes gestel wat Gustavo tydens sy borgtog moet nakom.
Die eerste voorwaarde is dat indien Gustavo nie daarin slaag om die volle bedrag van N$800 000 te betaal nie, sal hy toegelaat word om ’n waarborg te verskaf deur ’n borg wat N$500 000 sal betaal. Borgtog word aan die staat verbeur indien die beskuldigde vlug, of probeer ontvlug.
Gustavo moet twee keer per dag by die Kapps Farm-polisiekantoor aanmeld en sal drie keer per week by die kantoor van die Teenkorrupsiekommissie (ACC) inklok.
Vanaf 14:00 tot seweuur die volgende oggend word hy belet om Finkenstein te verlaat en hy mag nie vanaf 18:00 tot 06:00 buite sy erf beweeg nie. Hy mag ook geen inwoners van die landgoed besoek nie.
Hy moet ook by die hek van die landgoed in- en uitteken wanneer hy die perseel verlaat.
Hy mag nie in besit van enige reisdokumente wees nie en mag nie binne ’n radius van 25 km van die Internasionale Lughawe Hosea Kutako of ’n radius van 1 km van die Eros-lughawe beweeg nie. Hy word ook belet om verder as ’n 22 km-radius vanaf die Windhoekse stadsraad se hoofkantore te beweeg.
Gustavo mag nie met staatsgetuies, medebeskuldigdes of voormalige buitelandse sakevennote kommunikeer nie.
GPS-OPSPORINGSTOESTEL
Gustavo het tydens sy getuienis gesê hy sal bereid wees om ’n GPS-toestel te dra sodat al sy bewegings dopgehou kan word. Hy het selfs aangebied om vir die toestel te betaal.
Oosthuizen het wel beslis die staat kan so ’n toestel op hul eie koste aankoop en aan Gustavo se pols of enkel vasmaak sodat hulle sy bewegings 24 uur per dag sewe dae ’n week kan monitor.
Gustavo het ook aan die einde van die verhoor aan Oosthuizen bevestig hy het ’n moontlike werk vir ingeval hy op borgtog vrygelaat word. Hy sal glo van die huis af werk en geld verdien om sy regskoste te dek.
Oosthuizen het in sy bevel hiervoor voorsiening gemaak.
“Die beskuldigde sal toegelaat word om winsgewende diens te betree, maar bly onderhewig aan sy borgtogvoorwaardes.”
Gustavo mag in diens geneem word by enige party wat in Namibië of elders geleë en geregistreer is, buiten vir Angola, Ysland en die Verenigde Arabiese Emirate, op voorwaarde sodanige werkgewer se identiteit word aan die kantoor van die aanklaer-generaal bekend gemaak.”
Volgens die bevel het die Namibiese polisie toestemming om die bogenoemde voorwaardes wettiglik te monitor.
Sy medebeskuldigdes mnre. Sacky Shanghala, voormalige minister van justisie, James Hatuikulipi, voormalige voorsitter van Fishcor, Mike Nghipunya, voormalige uitvoerende hoof van Fishcor, Pius Mwatelulo, Otneel Shuudifonya en Phillipus Mwapopi se formele aansoek om borgtog sal op 24 Januarie hervat.
Mnr. Nigel van Wyk het verlede maand sy aansoek om borgtog teruggetrek en sal glo volgende jaar opnuut aansoek doen.
– [email protected]
Kommentaar
Republikein
Geen kommentaar is op hierdie artikel gelaat nie