Fishrot-2 se saak op dreef

Kristien KrugerMnre. Bernard Esau (63) en Tamson Hatuikulipi (39) het gister in die hoërhof in Windhoek weereens voor 'n nuwe regter verskyn, maar die saak is goed op dreef vir die appèlverhoor om op 25 Januarie voor die hof te dien. Die voormalige minister van visserye en mariene hulpbronne en sy skoonseun se appèlaansoek teen die landdroshof se besluit om hul borgtogaansoek te weier, is al vier keer uitgestel as gevolg van regters se onbeskikbaarheid. Sowat vyf regters het hulself tot dusver aan die saak onttrek. “Die rede waarom regters hulself aan die saak onttrek, is die resultaat van 'n klein regsgemeenskap,” het Esau en Hatuikulipi se regsverteenwoordiger, mnr. Richard Metcalfe, gister in die hof gesê.Regter Marlene Tommasi het gister saam met regter Harold Geier die saak aangehoor nadat regter Orben Sibeya verlede maand homself aan die saak onttrek het omdat 'n ander saak met betrekking tot die Fishrot-skandaal sy betrokkenheid by dié saak gekniehalter het.PAD VORENTOETydens die hofverrigtinge is die pad vorentoe uiteengesit om seker te maak alles is in orde vir die appèlverhoor wat in Januarie volgende jaar afskop. Die regters het spesifieke datums aan die betrokke prokureurs toegeken waarop vereistes nagekom moet word om seker te maak dat voorverhoorverpligtinge afgehandel is voor die verhoor kan begin.AANSOEK OM KWYTSKELDINGDie appèlaansoek sal tesame met 'n aansoek om kwytskelding gehoor word. Die aansoek om kwytskelding word van die staat vereis omdat daar nie aan hofbevele voldoen is nie.– kristien@republikein.com.na

Fishrot-2 se saak op dreef

Kommentaar

Republikein 2025-12-18

Meld asseblief aan om kommentaar te lewer

Fishrot-2 se saak op dreef

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.