Fishcor-werkers eis optrede

Catherine Sasman – Werkers by die beleërde National Fishing Corporation of Namibia (Fishcor), sy filiaal Seaflower Lobster Corporation Ltd, asook ’n gesamentlike onderneming waarin Fishcor beduidende aandele het, Seaflower Whitefight Corporation Ltd, dring aan op die onmiddellike verwydering van die direkteure en bestuur van die drie maatskappye.Die werkers eis dat kurators aangestel word tot nuwe direkteure volgens die wet op die bestuur van staatsondernemings aangestel word. Ook moet strafklagte onmiddellik aanhangig gemaak word, terwyl ’n ondersoek oor die moontlike aandadigheid van die oorblywende direkteurs in die Fishrot-sage van stapel gestuur moet word. Die werkers, wat uit vrees vir vergelding anoniem wil bly, het deur middel van hul prokureur mnr. Norman Tjombe, van die regsfirma Tjombe-Elago Incorporated, ’n brief aan die waarnemende minister van visserye en mariene hulpbronne, dr. Albert Kawana, en die minister van staatsondernemings, mnr. Leon Jooste, geskryf. In die brief dring hulle op die dringende en onmiddellike ontleding van vorige finansiële state aan, insluitende die bestuur se rekeninge, sowel as ’n dringende evaluering van die notules van alle vergaderings van die raad van direkteure en bestuur. Die werkers versoek alle ooreenkomste tussen Fishcor en enige ander entiteit of persoon, ingesluit ooreenkomste om die viskwotas van Fishcor te vang en te gebruik, bedryfsooreenkomste en ook ooreenkomste met konsultante.Hulle dring ook op onmiddellike regsaksie aan teen enige persoon of entiteit wat geld van Fishcor en sy filiale wanbestee het. Dit moet aansoeke vir die likwidasie en sekwestrasie van dié entiteite of persone insluit met die doel om enige wanaangewende geld en bates van Fishcor en sy filiale te herwin. Die werkers wil op skrif in kennis gestel word van maatreëls om te verseker die situasie word bestuur en toekomstige voorvalle van “buitensporige” korrupsie en bedrog soos wat in die Fishrot-skandaal beweer word, word nie herhaal nie. Die werkers het die ministerie tot 13 Maart gegee om aan hul eise gehoor te gee. Sou daar dadels van kom, gaan die werkers oor tot regsaksie, wat ’n aansoek in die hoërhof insluit wat op optrede teen die direkteure aandring.Volgens die werkers was Fishcor se finansiële posisie so benarde dat die risiko bestaan het werkers sou nie in Januarie betaal word nie. Dit, sê die werkers, ondanks gerapporteerde verdienste wat met 21% van N$393,7 miljoen in 2017 tot N$447,7 miljoen in 2018 gestyg het en in die Fishcor-groep se finansiële state vir die finansiële jaar wat September 2018 geëindig het, weerspieël word. Die voorsitter van die Fishcor-raad, mnr. James Hatuikulipi, is tans agter tralies in verband met omkoopklagte, terwyl Fishcor se uitvoerende hoof, mnr. Mike Nghipunya, geskors is. – catherine@republikein.ccom.na

Fishcor-werkers eis optrede

Kommentaar

Republikein 2025-12-22

Meld asseblief aan om kommentaar te lewer

Fishcor-werkers eis optrede

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.