Fishcor-verdagtes hoor gou oor samevoeging

Kristien KrugerDie staatsaanklaers van die Fishcor- en Nangomar Pesca-korrupsiesake het aansoek by die Windhoekse hoërhof ingedien dat die twee afsonderlike sake saamgevoeg moet word en in een verhoor, voor een regter, aangehoor moet word.Heelwat van die beskuldigdes het die aansoek teengestaan en hul verteenwoordigers beweer dat dit die duur van die verhoor sal verleng en hul reg tot ’n spoedige verhoor sal skend.Regter Christie Liebenberg sal op Woensdag, 6 Oktober, uitspraak gee.Die oudminister van visserye en mariene hulpbronne, mnr. Bernhard Esau, en sy skoonseun, mnr. Tamson Hatuikulipi, is beskuldigdes in albei sake en was nie gister in die hof teenwoordig.Die agt ander beskuldigdes het wel die beskuldigdebank vol gesit.Dit sluit in die Fishcor-beskuldigdes mnre. Mike Nghipunya, die voormalige uitvoerende hoof van Fishcor, Sacky Shanghala, voormalige hoof van Investec Asset Management Namibia, James Hatuikulipi, Pius Mwatelulo en Otneel Shuudifonya.Die bykomende Nangomar-beskuldigdes is die voormalige Investec-sakebestuurder mnr. Ricardo Gustavo, mnre. Nigel van Wyk en Phillipus Mwapopi.Die Nangomar-saak handel oor korrupte betalings van sowat N$103.6 miljoen ontvang het om die Yslandse visseryonderneming Samherji veilige toegang tot perdmakrielkwotas in Namibië te gee.In die Fishcor-saak staan Esau, Shanghala, Tamson, James, Mwatelulo en Nghipunya tereg op klagte van rampokkery, bedrog en geldwassery. Die prokureur mnr. Maren de Klerk, wat tans in Suid-Afrika is, is ook op die lys van mense wat aangekla word.De Klerk word aangekla as ’n verteenwoordiger van Celax Investments, wat na bewering as ’n kanaal gebruik is om miljoene dollars van Fishcor na die beskuldigdes se bankrekeninge te bring.ARGUMENTE EN GRONDE VIR SAMEVOEGINGDie staat se argument was gebaseer op artikels 155, 156 en 157 van die Strafproseswet 51 of 1977. Artikel 156 stel dat persone wat verskillende oortredings op dieselfde tyd en plek gepleeg het, saam verhoor kan word.Die staatsaanklaer mnr. Ed Marondedze beweer die twee sake was deel van dieselfde komplot en hoewel een vroeër begin het, was hul op dieselfde tyd in werking.“Dis soos ’n bus wat stop en ’n groep mense oplaai en verder ry, weer stop en ’n groep mense oplaai. Almal was steeds op dieselfde tyd saam op die bus,” het Marondedze gister verduidelik.Gustav se verteenwoordiger, mnr. Trevor Brockerhoff, gesê indien die sake saamsmelt, sal sy kliënt na sowat 140 getuies moet luister wat geen relevansie tot sy saak en die klagtes teen hom het nie.“Dit sal teen sy grondwetlike reg tot ’n spoedige afhandeling van sy verhoor indruis,” het Brockerhoff gesê.Die verdediging het verder beweer die samevoeging sal die beskuldigdes finansieel belas omdat hul duur aan regsverteenwoordiging sal moet betaal. Hierop het die staat geantwoord dat die beskuldigdes om regshulp kan aansoek doen.Van Wyk se verteenwoordiger, mnr. Jermaine Muchali, het gesê die staat verwag van die beskuldigdes om in die hof te sit vir verskeie getuies wat nie noodwendig enige belang in hul saak het nie en indien dit lank duur, moet hulle regshulp verkry.“Regshulp word deur die publiek gefinansier. Dis miljoene dollars wat die publiek sal moet betaal,” het hy gesê.– kristien@republikein.com.na

Fishcor-verdagtes hoor gou oor samevoeging

Kommentaar

Republikein 2025-09-19

Meld asseblief aan om kommentaar te lewer

Fishcor-verdagtes hoor gou oor samevoeging

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie