Fishcor in hof oor kwota-geskil

Kristien Kruger – ’n Vismaatskappy voer in die hoërhof in Windhoek aan die ministerie van visserye en mariene hulpbronne het kwotas waarop hy glo regte gehad het, onregmatig aan die staat se vismaatskappy, Fishcor, toegeken en verder aan derde partye gegee.Die ministerie sê op sy beurt die maatskappy se visvangregte en -kwotas het reeds verval en geen besluit oor die hernuwing daarvan is nog geneem nie.Neoplan Fishing and Marine Products (Pty) Ltd dagvaar die Namibiese regering, die ministerie van visserye en mariene hulpbronne, Fishcor en Embiwiinda Fishing (Pty) Ltd.Die aansoeker eis die besluit om nie sy visvangregte te verleng nie en die toekenning van sy kwotas aan Fishcor, moet hersien en reggestel word, omdat dit “onregverdig en irrasioneel” is.Minister Derek Klazen argumenteer dat geen besluit om aan die applikant visvangregte toe te ken óf te weier nog geneem is; die besluit kan dus nie hersien of reggestel word nie.Die partye het gister vir voorverhoor in die hoërhof in Windhoek voor regter Herman Oosthuizen verskyn.‘ONGRONDWETLIKE’ TOEKENNINGVolgens Neoplan se argumente het die ministerie artikel 18 van die Grondwet, asook artikel 33, 34 en 42 van die Wet op Mariene Hulpbronne (wet 27 van 2000) geskend.“Gedurende die tydperk 2018-2019 het die ministerie visvangkwotas, wat in Neoplan se naam was, aan Fishcor toegeken, wat dit aan derde partye soos Embiwiinda gegee het. Dis gedoen sonder die medewete van Neoplan en botsend met die voorskrifte van die wet. “So ’n toekenning kan slegs deur die ministerie goedgekeur word wanneer die regtehouer by die ministerie aansoek doen om die kwota aan ’n ander party oor te dra,” lui die hofstukke.Die ministerie beweer die Neoplan se regte het reeds op 31 Desember 2017, ná ’n tydperk van 20 jaar, verval. “Die applikant het gevolglik geen geldelike visvangregte of -kwotas nie en kan nie aanspraak maak op vervalde regte en kwotas wat nie hernu is nie.” MINISTERIE ONTKEN BESLUIT IS GENEEMVolgens Neoplan se hofstukke is die ministerie se besluit om nie hul regte te verleng nie, op 1 April 2021 geneem en is die redes vir hul besluit nooit bekend gemaak nie.Die ministerie hou vol geen besluit oor die verlenging of hernuwing is al geneem nie.Klazen sê in die hofstukke: “Die aansoek wat voor my is, is steeds hangend omrede bepalings van artikel 33 van die wet oorweeg moet word, byvoorbeeld die vereiste dat ’n maatskappy voordeel vir die Namibiese bevolking moet inhou.”Die ministerie het die hof versoek om die saak met koste van die rol te skrap.– kristien@republikein.com.na

Fishcor in hof oor kwota-geskil

Kommentaar

Republikein 2025-11-04

Meld asseblief aan om kommentaar te lewer

Fishcor in hof oor kwota-geskil

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.