Finale likwidasie van SME Bank uitgestel

Jacqueline Louw – Regter Hannelie Prinsloo het Vrydag in die Windhoek-hoërhof die Bank of Namibia (BoN) se aansoek om likwidasie van die SME Bank uitgestel.Dit volg nadat mnr. Sisa Namandje, wat namens twee minderheidsaandeelhouers van die SME Bank optree, Vrydag verskeie tegniese regspunte geopper het en ’n nuwe beëdigde verklaring van ’n beampte van die meester van die hooggeregshof se kantoor by die hof ingedien het.Die twee Zimbabwiese aandeelhouers wat die likwidasie van die SME Bank hardnekkig teenstaan, is Metropolitan Bank of Zimbabwe en Worldeagle Properties.Die BoN betwis die weergawe van die beampte van die meester se kantoor en sal verdere beëdigde verklarings in dié verband by die hof indien.Dit is die Zimbabwiese aandeelhouers se saak dat die BoN ’n verpligting in terme van die Bankinstellingswet het om eers alle pogings om die bank aan die gang te hou, aan te wend voordat om ’n likwidasiebevel aansoek gedoen word. Hulle wil dus die hof versoek om die voorlopige likwidasiebevel van die hand te wys.Mnr. Ipumbu Shimi, die goewerneur van die BoN, voer in ’n beëdigde verklaring aan dat die SME Bank nie ontken dat daar wanbestuur van geld in die SME Bank was nie en dat dit tot ’n verlies aan vertroue in dié bank as bankinstelling gelei het. Hy sê verder die regering kan nie toelaat dat dié situasie voortduur nie en is dus genoodsaak om vir ’n likwidasiebevel te vra om die verkwisting van staatsgeld te stop. Regter Prinsloo het op 7 Julie bevind dat die SME Bank feitelik en kommersieel bankrot was en beveel dat die bank voorlopig gesekwestreer moet word.Die BoN het beheer oor die SME Bank aan die begin van Maart geneem en in Julie sy aansoek om die likwidasie van die SME Bank by die hoërhof in Windhoek ingedien.Die BoN se ingryping was as gevolg van sowat N$175 miljoen wat in Suid-Afrika belê is en wat gevrees is verlore geraak het. Die toedrag van sake het dit onmoontlik gemaak vir die bank om sy verpligtinge teenoor sy deponeerders en ander kliënte na te kom.Kort nadat die aanvanklike likwidasiebevel gegee is, is twee likwidateurs, mnre. Ian McLaren en David Bruni, aangestel om beheer oor die bank se bates te neem. McLaren en Bruni het al die SME Bank se takke gesluit ná hul aanstelling as likwidateurs.Regter Prinsloo het die voorlopige likwidasiebevel verleng en die verhoor tot 18 Oktober uitgestel.

Finale likwidasie van SME Bank uitgestel

Kommentaar

Republikein 2026-08-03

Meld asseblief aan om kommentaar te lewer

Finale likwidasie van SME Bank uitgestel

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.