Finale brul vir enjins in 2017-reeks
Motorfietsry
Tielman van Lill - Die finale ronde van die 2017 Bank Windhoek Enduro-kampioenskap word môre op die Elisenheim gasteplaas noord van die hoofstad aangebied.
Die afgelope reeks wat in samewerking met Hemco Paints en Solsquare Energy Namibia as ondersteunende borge aangebied is, is sekerlik een van die mees opwindende en vermaaklike gebeurtenisse vir petrolkoppe. Dus behoort môre se finale byeenkoms vir vuurwerke in die onderskeie klasse en afdelings te sorg.
Die kompetisie word naby Windhoek gehou en sportliefhebbers en ondersteuners wat ’n dag vol opwinding wil beleef, kan selfs die ongeveer 70 deelnemers en hul masjiene in die kuipe besigtig. Dit is die jaers se laaste kans om hul finale stand in die kampioenskap te bevestig en vir oulaas ’n plek op die podium los te jaag of te verbeter.
Henner Rush, die 2017 Ope kampioen met sy KTM, sal vir Marcel Henle (KTM), sy grootste teenstander van die afgelope seisoen, vir oulaas wil uitdaag. Henle het die laaste twee kompetisies misgeloop en sal môre ’n oorwinning teen Rush wil behaal. Indien hy ’n eerste plek behaal, sal hy tweede in die kampioenskap eindig met Corné Visser algeheel derde op sy Sherco wat ook ‘n uitstekende jaar in die saal beleef het.
VIERWIELE
JL Opperman met sy Honda het reeds met die vorige byeenkoms die ope titel vir mans ingepalm, terwyl Gary Rowland (Honda) gerieflik in die tweede plek lê en die jaar so kan afsluit.
By die vroue behoort Shannon Rowland (Honda) haar prestasie van 2016 te herhaal om die kampioenskap opnuut in te palm. Die Elisenheim-baan is berug vir die eise wat dit aan die jaers stel en sal môre beslis sy naam gestand doen.
SENIORS
Die KTM-jaer Joern Greiter het ’n uitstekende jaar beleef en reeds vroeër vanjaar dié afdeling gewen. Die Elizenheim-baan pas Greiter soos ’n handskoen, soos hy met die afgelope X-resies gewys het wat op dieselfde baan gehou was. Werner Wiese, David Brown en Stefan du Plessis (almal KTM) sal mekaar om die tweede en derde posisie die stryd aansê. Frank Ahlreip, wat tans die derde plek beklee, sal nie die naweek in sy afwesigheid nie sy posisie kan verdedig nie.
KLUBMAN-KLAS
Dié afdeling het ook reeds vroeër in 2017 sy kampioen opgelewer met Juergen Gladis (KTM) in die saal.
Hy sal môre nogtans die Elisenheim-titel syne wil maak, terwyl Wayne Schablinski (KTM), Liam Gilchrist (Husqvarna) en Lenny Bagwitz (KTM) vir die ander podiumposisies stelling sal inneem.
OFF-ROAD
Die jeugdige Keanu Weber-Trianus op sy KTM is ’n tree weg om die kampioenskap syne te maak, maar Teddy Kausch (KTM) en Jaco Husselmann (Husaberg) is nog sterk in die wedloop en enige een kan met dié titel wegloop.
ONTWIKKELINGSKLAS
Twee jaers op KTM-masjiene, Dylan Hilfiker en Levin Quinger, het vanjaar goed gevaar. Hilfiker het met sy oorwinning by Otjihase die 2017-titel voor Quinger se neus weggeraap, maar dit sal laasgenoemde nie daarvan weerhou om hom vir oulaas opdraand te gee nie.
Vir inskrywings en ander inligting kan belangstellendes www.namibianenduro.com of sy Facebook-blad besoek.
Die afgelope reeks wat in samewerking met Hemco Paints en Solsquare Energy Namibia as ondersteunende borge aangebied is, is sekerlik een van die mees opwindende en vermaaklike gebeurtenisse vir petrolkoppe. Dus behoort môre se finale byeenkoms vir vuurwerke in die onderskeie klasse en afdelings te sorg.
Die kompetisie word naby Windhoek gehou en sportliefhebbers en ondersteuners wat ’n dag vol opwinding wil beleef, kan selfs die ongeveer 70 deelnemers en hul masjiene in die kuipe besigtig. Dit is die jaers se laaste kans om hul finale stand in die kampioenskap te bevestig en vir oulaas ’n plek op die podium los te jaag of te verbeter.
Henner Rush, die 2017 Ope kampioen met sy KTM, sal vir Marcel Henle (KTM), sy grootste teenstander van die afgelope seisoen, vir oulaas wil uitdaag. Henle het die laaste twee kompetisies misgeloop en sal môre ’n oorwinning teen Rush wil behaal. Indien hy ’n eerste plek behaal, sal hy tweede in die kampioenskap eindig met Corné Visser algeheel derde op sy Sherco wat ook ‘n uitstekende jaar in die saal beleef het.
VIERWIELE
JL Opperman met sy Honda het reeds met die vorige byeenkoms die ope titel vir mans ingepalm, terwyl Gary Rowland (Honda) gerieflik in die tweede plek lê en die jaar so kan afsluit.
By die vroue behoort Shannon Rowland (Honda) haar prestasie van 2016 te herhaal om die kampioenskap opnuut in te palm. Die Elisenheim-baan is berug vir die eise wat dit aan die jaers stel en sal môre beslis sy naam gestand doen.
SENIORS
Die KTM-jaer Joern Greiter het ’n uitstekende jaar beleef en reeds vroeër vanjaar dié afdeling gewen. Die Elizenheim-baan pas Greiter soos ’n handskoen, soos hy met die afgelope X-resies gewys het wat op dieselfde baan gehou was. Werner Wiese, David Brown en Stefan du Plessis (almal KTM) sal mekaar om die tweede en derde posisie die stryd aansê. Frank Ahlreip, wat tans die derde plek beklee, sal nie die naweek in sy afwesigheid nie sy posisie kan verdedig nie.
KLUBMAN-KLAS
Dié afdeling het ook reeds vroeër in 2017 sy kampioen opgelewer met Juergen Gladis (KTM) in die saal.
Hy sal môre nogtans die Elisenheim-titel syne wil maak, terwyl Wayne Schablinski (KTM), Liam Gilchrist (Husqvarna) en Lenny Bagwitz (KTM) vir die ander podiumposisies stelling sal inneem.
OFF-ROAD
Die jeugdige Keanu Weber-Trianus op sy KTM is ’n tree weg om die kampioenskap syne te maak, maar Teddy Kausch (KTM) en Jaco Husselmann (Husaberg) is nog sterk in die wedloop en enige een kan met dié titel wegloop.
ONTWIKKELINGSKLAS
Twee jaers op KTM-masjiene, Dylan Hilfiker en Levin Quinger, het vanjaar goed gevaar. Hilfiker het met sy oorwinning by Otjihase die 2017-titel voor Quinger se neus weggeraap, maar dit sal laasgenoemde nie daarvan weerhou om hom vir oulaas opdraand te gee nie.
Vir inskrywings en ander inligting kan belangstellendes www.namibianenduro.com of sy Facebook-blad besoek.
Kommentaar
Republikein
Geen kommentaar is op hierdie artikel gelaat nie