Fillemon onttroon Mazila vir kroon

Die Namibiese Elektroniese Sportvereniging (Nesa) het die afgelope naweek sy nasionale kampioenskap vir e-Football PES en die gevegspeletjie Tekken7 by die APS-gastehuis in Windhoek aangebied.Ná hewige mededinging het Rashaad Matjila die nasionale PES-titel opgeraap en vir die derde jaar daarin geslaag om in die Namibiese nasionale e-span opgeneem te word. In die finale Tekken-botsing oorrompel Matias Fillemon vir Freddy Mazila wat die afgelope drie jaar die kampioen was, om ook in die nasionale e-span opgeneem te word.Beide spelers sal Namibië in toekomstige toetse verteenwoordig en ook teen Suid-Afrika se room in ’n aanlyn streekskompetisie van die Internasionale e-Sportfederasie (IESF) regskuif om vir sy elite wêreldkampioenskap te kwalifiseer. Die wenner tussen Namibië en Suid-Afrika sal in Desember in Eilat, Israel, aan die IESF se wêreldkampioenskap deelneem.“Nesa bedank Logitech G, Vander Designs, Future CC asook APS Guesthouse wat die kampioenskap geborg het. Ons sien uit na die Namibiese spanne se deelname aan internasionale wedstryde. Ons benodig borge en skenkings om meer geleenthede aan Namibiese e-sportentoesiaste te bied.“Vir meer inligting betreffende borgskappe en skenkings kan mense ons by info@esportsnamibia.org kontak,” sê dié sportvereniging in sy verklaring.Die finale posisies:Tekken7: 1 Matias Fillemon, 2 Flip de Bruyn, 3 Freddy Mazila, 4 Rashaad Matjila, 5 David Beukes en Martin Frans, 7 William Alexander, 8 Edan Farmer en Fernando De Sousa. e-Football PES: 1 Rashaad Matjila, 2 Fernando de Sousa, 3 William Alexander, 4 Freddy Mazila, 5 Edan Farmer, Martin Frans en Andries Steyn, 8 Flip de Bruyn en Ndahomenwa Johannes.Besoek https://ie-sf.org/news/4664 asook https://ie-sf.org/event/wc2020 vir meer inligting oor die wêreldkampioenskap in e-sport. Inligting oor die streekkompetisies kan by https://ie-sf.org/news/4880 verkry word.

Fillemon onttroon Mazila vir kroon

Kommentaar

Republikein 2026-05-05

Meld asseblief aan om kommentaar te lewer

Fillemon onttroon Mazila vir kroon

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.