Fees vir saalperde geslaagd

Tielman van LillDie Sentraalstreek van die Namibiese Saalperdevereniging het die afgelope naweek sy Huldefees by die Rolé Ruiterkunssentrum by Brakwater aangebied.Die Huldefees is om eer aan die stamvaders van die saalperdsport in Namibië te betoon; manne soos Sakkie van der Merwe, Alwyn Burger, Gert Alberts, Piet Venter, David Dicks en Ettiene Botha.Rasse soos saalperde, Friese, Vlaamse, Arabiere, Quarter Horses, Thoroughbreds, Warmbloods en nog vele ander kon in 62 verskillende klasse en afdelings meeding. Kinders en volwassenes kon mekaar die stryd aansê in die ruiter-, tuig-, hand-, klassieke rystyl- en Western-klasse.Die uitslae:Die Fries/Vlaamse driegangtitel sowel as die siertuigkampioenskap is deur Kjerts ingepalm met Jack van der Merwe as ruiter en drywer van die karretjie.Gekombineerde Arabier- en Ope kampioenskap: Ope Junior Hunter plesierperd kampioen, Dané van der Westhuizen met Om El Emily. Ope Senior Hunter plesierperdkampioen, Nadia Bouwer met Om El Exeed. 3. Ope Driegang ryperdkampioen, Piet Burger op FS Tailors Dream.Die kostuumklas vir Arabiere was opnuut ''n gunsteling by die toeskouers waar Nadia Bouwer met Tailors Dream in die saal as wenner bekroon is. In die Western plesierklas was Leon Bouwer en Sidi Manakey die kampioen.Die saalperde het verskeie hoogtepunte opgelewer en ses kampioene is bekroon: Vyfgang kinderperd, Oh My Socks en Keith Booysen. Driegang kinderperd, El Salvador met Zonnika Cilliers. Siertuigperd, Silver Fox met Chante Maasz as drywer. Driegang kinderplesierperd, Rainer Visser op Easy On My Mind. Driegangperd, Sparkling Sultan met Alma Badenhorst as ruiter. Vyfgangperd, To Be Continued en Pieter Schreuder as ruiter.Die Sentraalstreek bedank graag die borge wat die fees en skoue moontlik gemaak het, naamlik Aneen Graupe Photography, Annatjie Visser, Avani Windhoek Hotel & Casino, Bean Juice Bistro, Catamaran Charters, De Vlinder, Elmarie Cilliers, Fearika Botha, Gardenia Landscaping, Hanli Kirchner, Pastec Distribution & Training, die Pote gesin, Rolé Equestrian Centre, Sophia Hattingh, Snyman Transport, Tania''s Nail Boutique, Tienie Gous, Varta, Vintage Coffee Shop, Voermeester en Wesbank.Die Sentraalstreek beplan nog skoue van dieselfde gehalte en standaard vir 2017. Ruiters van dwarsoor Namibië word vriendelik genooi om volgende jaar aan hul besonder unieke byeenkomste deel te neem.

Fees vir saalperde geslaagd

Kommentaar

Republikein 2026-05-05

Meld asseblief aan om kommentaar te lewer

Fees vir saalperde geslaagd

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.