Fed wil nie markte verras
Loretta Mester, president van die Federale Reserweraad (Fed) in Cleveland in die deelstaat Ohio, sê beleidmakers wil markte beslis nie verras wat besluite oor rentekoerse betref nie.
“Ons wil dit nooit doen nie. Ek dink die meeste mense beskou die Amerikaanse ekonomie as goed en gesond,” sê sy.
Beleggers se verwagting dat die Fed rentekoerse op sy volgende vergadering op 14 en 15 Maart gaan verhoog, het toegeneem nadat Janet Yellen, voorsitter van die bank, op 14 Februarie gesê het dat sy 'n strenger beleid vir vanjaar voorsien. Dit is ongeag pres. Donald Trump se plan om 'n fiskale beleid te volg wat groei ondersteun.
“Ons gaan moet wag en kyk wat met die ekonomie gebeur en herbesin wanneer ons meer inligting kry,” sê Mester.
“Ons sal rats moet wees wat betref in hoe 'n mate ons bereid is om die rigting van ons beleid aan te pas sou ons vind die ekonomie ontwikkel anders as wat ons voorsien het.”
Mester sê wêreldwye risiko's en onsekerheid in Amerika beteken dat die Fed sy vooruitsigte gereelder mag aanpas.
“In die huidige ekonomiese omgewing mag ons meer veranderinge in ons vooruitsigte en verwante beleid sien as wat ons in die afgelope jare ervaar het. Ek dink dit is goed, want ons wil hê dat beleid op hierdie veranderinge reageer.”
Mester het herhaal dat sy “gemaklik” met hoër rentekoerse in reaksie op stygende prysdruk sal wees, maar sê die Fed is nog nie “agter die kurwe” om inflasie in bedwang te hou nie.
Die Fed se gekose inflasiemaatstaf het tot 1,6% in die 12 maande tot einde Desember gestyg. Dit is hoër as die 1,4% vir die jaar tot einde November en steeds onder die teiken van 2%.
Wanneer voedsel en energie buite rekening gelaat word, was inflasie onveranderd op 1,7%.
Lone in die VSA het die afgelope maande beskeie groei getoon ondanks volgehoue sterk groei in die arbeidsmark, waar werkgewers sowat 1,1 miljoen werkgeleenthede in die afgelope ses maande bygevoeg het.
Werkloosheid is reeds minder as 5%.
Mester was een van die Fed-amptenare wat gedurende 2016 'n styging in rentekoerse gesteun het. Die paneel het in Desember eenparig gestem om rentekoerse met 50 basispunte tot 0,75% te verhoog.
Mester stem nie vanjaar oor rentekoerse nie.– Netwerk24/Bloomberg
“Ons wil dit nooit doen nie. Ek dink die meeste mense beskou die Amerikaanse ekonomie as goed en gesond,” sê sy.
Beleggers se verwagting dat die Fed rentekoerse op sy volgende vergadering op 14 en 15 Maart gaan verhoog, het toegeneem nadat Janet Yellen, voorsitter van die bank, op 14 Februarie gesê het dat sy 'n strenger beleid vir vanjaar voorsien. Dit is ongeag pres. Donald Trump se plan om 'n fiskale beleid te volg wat groei ondersteun.
“Ons gaan moet wag en kyk wat met die ekonomie gebeur en herbesin wanneer ons meer inligting kry,” sê Mester.
“Ons sal rats moet wees wat betref in hoe 'n mate ons bereid is om die rigting van ons beleid aan te pas sou ons vind die ekonomie ontwikkel anders as wat ons voorsien het.”
Mester sê wêreldwye risiko's en onsekerheid in Amerika beteken dat die Fed sy vooruitsigte gereelder mag aanpas.
“In die huidige ekonomiese omgewing mag ons meer veranderinge in ons vooruitsigte en verwante beleid sien as wat ons in die afgelope jare ervaar het. Ek dink dit is goed, want ons wil hê dat beleid op hierdie veranderinge reageer.”
Mester het herhaal dat sy “gemaklik” met hoër rentekoerse in reaksie op stygende prysdruk sal wees, maar sê die Fed is nog nie “agter die kurwe” om inflasie in bedwang te hou nie.
Die Fed se gekose inflasiemaatstaf het tot 1,6% in die 12 maande tot einde Desember gestyg. Dit is hoër as die 1,4% vir die jaar tot einde November en steeds onder die teiken van 2%.
Wanneer voedsel en energie buite rekening gelaat word, was inflasie onveranderd op 1,7%.
Lone in die VSA het die afgelope maande beskeie groei getoon ondanks volgehoue sterk groei in die arbeidsmark, waar werkgewers sowat 1,1 miljoen werkgeleenthede in die afgelope ses maande bygevoeg het.
Werkloosheid is reeds minder as 5%.
Mester was een van die Fed-amptenare wat gedurende 2016 'n styging in rentekoerse gesteun het. Die paneel het in Desember eenparig gestem om rentekoerse met 50 basispunte tot 0,75% te verhoog.
Mester stem nie vanjaar oor rentekoerse nie.– Netwerk24/Bloomberg
Kommentaar
Republikein
Geen kommentaar is op hierdie artikel gelaat nie