Falcon klop United; Hingste ryg drieë in

FNB Wanderers was met 84-0 gans te sterk vir Dolphin in hul ontmoeting in die Namibië Rugby-unie se premierliga – selfs toe Saterdag se wedstryd op Swakopmund gespeel is.Agtsteman Royal Otto het vier keer vir drieë oorgebars en skrumskakel Enem Kritzinger twee keer vir die voorlopers op die puntelys om weer volpunte by te voeg.Die ander driedrukkers was heelagter Dion Venter, flank John-Michael Richter, slotte Willem van Zyl en Alberto Engelbrecht, binnesenter Mahco Prinsloo, stut PG Louw, haker Theo Coetzee en die plaasvervanger-agterspeler Tewis Brandt. Doelskoppe het van vleuel Heico Prinsloo (6) en Dion Venter se stewels gekom.Afgesien van die Wit Hingste se string afwesige nasionale spelers was DG Wiese (knie), Stef Botha, Léan Stoop en Riaan van Zyl onder die beseerdes en Nico Esterhuyse was ook onbeskikbaar.• ’n Veel meer kompeterende wedstryd is op Rehoboth gespeel, waar Reho Falcon ’n bonuspuntsege teen Trustco United (29-25) behaal het.Collin de Koe, Howard Titus, Elton Araeb en Luandre Benade se drieë het help verseker dat Falcon met vyf ligapunte uit die wedstryd tree. De Koe se twee doelskoppe en een strafdoel het ook die oorwinning help beklink.United bly derde op die puntelys (40). Reho Falcon (34 punte) bly ook in sy vyfde posisie – steeds agter FNB Western Suburbs (37) wat ’n afnaweek gehad het.Die Filistyne het drieë deur vleuels Stefan Louw en Nandi Karuuombe en agtsteman Naudé Neethling behaal. Kaptein Winmar Rust het tien skoppunte bygevoeg.• Kudus het op hul Huis van Pyn in Narraville ’n naelskraapse oorwinning met 15-12 teen die besoekende Rehoboth Rugbyklub beklink. Rustyd was Rehoboth met 12-6 voor.Vir die wenspan het vleuel Casio Schoombe en senter Allister Miller vir drieë oorgeseil. Twee strafdoele en een strafdoel het van losskakel Ulriato Lawrence gekom.Rehoboth se driedrukkers was flank Werner Meyer en vleuel Reduane Beukes, wat ook met ’n doelskop geslaag het.• Walvisbaai het Vrydag onttrek uit sy wegwedstryd teen die verdedigende kampioen Unam. Walvisbaai is saam met Dolphin die twee spanne onderaan die puntelys op ses punte (een oorwinning elk).Die pasella ses ligapunte vir Unam en Wanderers se wegholsege hou die verskil tussen die liga se toptwee spanne onveranderd. Wanderers is bo met 53 en Unam het 47 punte.RESERWELIGADie West Coast Sharks van Walvisbaai lyk soms meer kompeterend as wat hul buurman Walvisbaai Rugbyklub in die premierliga is, maar Saterdag het die Sharks nie raad geweet met Unam se tweede span nie.Op hul tuisveld was die studentespan se fiksheid en vlugvoetige hardlopers net te giftig van enige los skoppe of gesteelde balbesit. Elf drieë teen een was die gevolg.Simon Haitembu is as plaasvervanger opgestuur en het drie drieë gaan druk. Unam II se ander driedrukkers was die agterspelers Romanzo Lento, Buruxa Geiseb, Luis Talaya, Amon van Wyk, die agtsteman Chrisbunn Blom en die plaasvervangers Llewellyn Zaal en Grant Klein.• Die tweede span van Kudus het met 29-17 teen Rehoboth II gewen danksy ’n driekuns van Virgil Bampton en nog ’n drie deur Marchell Diergaardt. As skopper het Shalako Groenewald met drie doelskoppe en ’n strafdoel geslaag.• Die tweede span van Dolphin het uit die reserweliga-kragmeting teen Wanderers II onttrek.• Reho Falcon se tweede span het vir United II met 36-29 geklop.

Falcon klop United; Hingste ryg drieë in

Kommentaar

Republikein 2026-11-02

Meld asseblief aan om kommentaar te lewer

Falcon klop United; Hingste ryg drieë in

Kommentaar

Republikein 2026-11-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.