Fairtrade skors wynmakery tydelik
Van Loveren Family Vineyards is tydelik deur die handelsnaam Fairtrade geskors omdat geld van ''n werknemerstrust op een van sy plase glo onregmatig bestee is.
Die wynmakery by Robertson, Van Loveren Family Vineyars, het bevestig dat dit tydelik deur die handelsnaam Fairtrade geskors is en het aangedui dat ''n “verbeteringsplan” by Fairtrade ingedien sal word oor kwessies wat op ''n ondersoek aan die wynplaas De Goree aan die lig gekom het.
Phillip Retief, uitvoerende hoof van Van Loveren Family Vineyards, sê Fairtrade se ondersoek het alle aantygings teen die wynmakery weerlê.
Dit het egter bevind dat die Fairtrade-premie wat vir die werkers beskore is, nie “korrek aangewend” is nie en van die geld glo “onregmatig” vir eie gebruik aangewend is deur die instansie wat dit namens die wynmakery en werknemers bestuur.
Met die verkope van elke Fairtrade-wyn word ''n premie in ''n fonds vir werkers en boere geplaas waar hulle dit na goeddunke kan aanwend om hul maatskaplike, ekonomiese en omgewingstoestande te verbeter.
Die Fairtrade-handelsnaam dui aan dat produkte aan sekere standaarde vir die vervaardiging en handel daarin voldoen, en dat dit jaarliks deur die liggaam Flo-Cert geoudit word.
Dit word beskryf as ''n “etiese sertifikasie” van produkte se verskaffingsketting om ondernemings aan te moedig om meer volhoubaar en verantwoordelik te wees.
Van Loveren se Five''s Reserve is tot met die oes van 2016 nog onder Fairtrade se handelsnaam verkoop, terwyl die House of Mandela-reeks en sy grootmaatwyn steeds as Fairtrade-wyne verkoop word.
Die druiwe vir Five''s Reserve word van De Goree in die Robertson-distrik gekoop. Van Loveren besit 48% van die plaas en die De Goree Werkernemerstrust 52%.
Die Fairtrade-premie word in ''n trust inbetaal met riglyne waarvoor die geld aangewend kan word.
“Die geld word deur ''n gesamentlike liggaam bestuur en Van Loveren het geen tekenmagte op hierdie geld nie.”
Volgens Retief is die “idee vir die aanwending van die geld” wat later ondersoek is, aan die werkers voorgestel deur ''n Skandinawiese joernalis wat die plaas besoek het.
Dit verwys na Tom Heinemann van Denemarke wat onlangs die omstrede dokumentêr Bitter Grapes – Slavery in the Vineyards oor werkomstandighede op Suid-Afrikaanse wynplase gemaak het.
Retief sê dit laat “vrae oor die motiewe van die joernalis” en hy het beklemtoon dat beeldmateriaal van Heinemann op ''n buurplaas en nie op De Goree afgeneem is nie.
“Ons bedryf het reeds ver gekom met kwessies soos transformasie, bemagtiging, opleiding en dies meer, en ons gee erkenning dat daar soveel meer is wat nog gedoen moet word,” sê hy.
“Eensydige en onakkurate beriggewing soos hierdie rig soveel onnodige skade aan die bedryf, asook individuele ondernemings, en is meer demotiverend as opbouend.” - Netwerk24
Phillip Retief, uitvoerende hoof van Van Loveren Family Vineyards, sê Fairtrade se ondersoek het alle aantygings teen die wynmakery weerlê.
Dit het egter bevind dat die Fairtrade-premie wat vir die werkers beskore is, nie “korrek aangewend” is nie en van die geld glo “onregmatig” vir eie gebruik aangewend is deur die instansie wat dit namens die wynmakery en werknemers bestuur.
Met die verkope van elke Fairtrade-wyn word ''n premie in ''n fonds vir werkers en boere geplaas waar hulle dit na goeddunke kan aanwend om hul maatskaplike, ekonomiese en omgewingstoestande te verbeter.
Die Fairtrade-handelsnaam dui aan dat produkte aan sekere standaarde vir die vervaardiging en handel daarin voldoen, en dat dit jaarliks deur die liggaam Flo-Cert geoudit word.
Dit word beskryf as ''n “etiese sertifikasie” van produkte se verskaffingsketting om ondernemings aan te moedig om meer volhoubaar en verantwoordelik te wees.
Van Loveren se Five''s Reserve is tot met die oes van 2016 nog onder Fairtrade se handelsnaam verkoop, terwyl die House of Mandela-reeks en sy grootmaatwyn steeds as Fairtrade-wyne verkoop word.
Die druiwe vir Five''s Reserve word van De Goree in die Robertson-distrik gekoop. Van Loveren besit 48% van die plaas en die De Goree Werkernemerstrust 52%.
Die Fairtrade-premie word in ''n trust inbetaal met riglyne waarvoor die geld aangewend kan word.
“Die geld word deur ''n gesamentlike liggaam bestuur en Van Loveren het geen tekenmagte op hierdie geld nie.”
Volgens Retief is die “idee vir die aanwending van die geld” wat later ondersoek is, aan die werkers voorgestel deur ''n Skandinawiese joernalis wat die plaas besoek het.
Dit verwys na Tom Heinemann van Denemarke wat onlangs die omstrede dokumentêr Bitter Grapes – Slavery in the Vineyards oor werkomstandighede op Suid-Afrikaanse wynplase gemaak het.
Retief sê dit laat “vrae oor die motiewe van die joernalis” en hy het beklemtoon dat beeldmateriaal van Heinemann op ''n buurplaas en nie op De Goree afgeneem is nie.
“Ons bedryf het reeds ver gekom met kwessies soos transformasie, bemagtiging, opleiding en dies meer, en ons gee erkenning dat daar soveel meer is wat nog gedoen moet word,” sê hy.
“Eensydige en onakkurate beriggewing soos hierdie rig soveel onnodige skade aan die bedryf, asook individuele ondernemings, en is meer demotiverend as opbouend.” - Netwerk24
Kommentaar
Republikein
Geen kommentaar is op hierdie artikel gelaat nie