Etosha se paaie geskraap

400 km binne 'n maand

24 July 2019 | Infrastruktuur
Tanja Bause - Die private inisiatief om die netwerk paaie in die Etosha Nasionale Park te skraap, het gister afgeskop.

Die projek is deur mnr. Chris Theron in die lewe geroep, nadat sommige van die paaie in die gewilde toeristebestemming vier jaar laas geskraap is.

“Ons het Maandagaand 'n toetsstrook gedoen. Dinsdagaand trek ons weg en teen vanoggend sal ons reeds 74 km verder by Halali wees. Ons skraap in die nag om nie die toeriste en die verkeer in die dag in die park te benadeel nie,” het Theron gesê.

“Ons is 'n goeie span en ek voorsien geen probleme om die padnetwerk van sowat 400 kilometer binne 'n maand te skraap nie. Ons het masjiene en hulp uit Outjo, Otjiwarongo, Windhoek en Tsumeb ontvang,” het hy gesê.

“Mense in die park is positief. Ek dink hulle kry baie probleme met mense wat ongelukkig oor die toestand van die paaie is. Nou sien hulle daar word aan die probleem gewerk en het hul houding verander. Hulle is positief en wil ook help.”

“Baie mense het getwyfel dat die projek van die grond af sal kom, maar hier is ons en die eerste kilometers sal teen Woensdag geskraap wees.”

Op sosiale media het mnr. Fritz Kaufmann van ISAP ook sy gewig agter die projek gegooi.

“Dit sal goed wees om 'n paar toerismemaatskappye te sien wat die N$1 000 per uur-projek sal ondersteun. Kontak my as julle belang stel,” het hy geskryf.

Mnr. Barrie Blom het 'n oproep op elke Namibiër gedoen wat 'n hart vir die land het om N$100 vir die projek by te dra.

“Daar is soveel uitgawes wat aangegaan word vir die paaie. Baie dankie aan elkeen wat 'n aand se 'brannas' gaan opoffer en die geld vir hierdie projek gaan gee,” het hy geskryf.

Hoewel die projek goed op dreef is, is daar steeds ­finansiering nodig. Vanaf gister het tien pad­skrapers begin om snags tussen 80 en 100 kilometer te skraap. Een skraper loop teen 'n tarief van N$1 000 per uur.

Mense wat graag die projek wil ondersteun, kan vir Theron by 081 241 8376 of vir mnr. Nick Putter by 081 124 9953 skakel.

Soortgelyk

 

Nog 38 leerlinge toets positief vir Covid-19

1 uur gelede | Gesondheid

Die minister van gesondheid en maatskaplike dienste, dr. Kalumbi Shangula, sê nog 38 leerlinge van 'n sekondêre skool in die Onandjokwe-distrik het positief vir Covid-19...

Ligloop vir motorswendelary

4 ure gelede | Misdaad

’n Onlangse misdaadverslag van die Namibiese polisie waarsku die publiek teen ’n sindikaat wat goedkoop motors onder valse voorwendsels op sosiale media adverteer. Die swendelaars...

Feedmaster se Namib Laboratories doen nou Covid-toetse

4 ure gelede | Tegnologie

Die voermaatskappy Feedmaster se laboratorium wat in 2018 opgerig is om diagnostiese mikrobiologiese-, serologiese- en polimerase-kettingreaksie (PCR)-toetse vir die Namib Meulens-groep van maatskappye te doen,...

Psemas-tender sluit

16 ure gelede | Gesondheid

Henriette Lamprecht – Die tender om die staat se mediese fonds (Psemas) te bestuur, het Woensdag (23 September) gesluit. Dit volg nadat sekere vereistes in...

Babelse verwarring oor toerismeregulasies

16 ure gelede | Toerisme

Francoise Steynberg – Met Babelse verwarring wat in die toerismesektor oor die nuwe Covid-19-regulasies heers, word steeds op meer duidelikheid gewag.“Ons sal weet sodra daar...

Gemsbok soek lafenis

16 ure gelede | In beeld

Die Desert Hills Lodge in die Naukluft-berge naby Sesriem het 'n spesiale besoeker gehad wat sy dors in die swembad kom les het. Volgens mnr....

N$30 miljoen dringend nodig om rooisprinkane te beveg

16 ure gelede | Landbou

Elvira Hattingh – Sowat N$30 miljoen se benodighede word “sonder oponthoud” vir die bestryding van die Afrika rooitreksprinkaan in die Zambezistreek benodig. Dit, om te...

Weer vir 28 September

16 ure gelede | Weer

BINNELAND: Koud in die oggend, andersins sonnig en matig tot warm, maar baie warm in die Noorde met 'n paar wolke wat oor die Zambezistreek...

Skoonmaakveldtog takel landswye probleem

16 ure gelede | Gesondheid

Jana-Mari Smith – 'n Geskatte 61 ton menslike ontlasting en huishoudelike rommel word daagliks in die openbare areas in Windhoek se informele nedersettings gestort. Dié...