Etosha Safari Camp ’n finalis vir gesogte toerisme-toekenning

Gondwana se Etosha Safari Camp is een van drie finaliste in tourismus namibia se Verantwoordelike Toerisme-toekennings se kategorie vir verblyfinstansies. Die wenner word tydens die Namibië Toerisme Ekspo (NTE) aangekondig, wat vanaf 18 tot 21 Mei in die hoofstad plaasvind.Die Verantwoordelike Toerisme-toekennings is tydens verlede jaar se NTE bekend gestel om volhoubaarheid, bestuur, energieverbruik en omgewingsvriendelikheid onder toerisme-verwante instansies te bevorder.Herwinning en volhoubaarheid is ’n integrale deel van Etosha Safari Camp. Boorgatwater word benut en gryswater word gebruik om die kamp se beddings nat te lei. Blikkies en glasbottels word na Windhoek gestuur vir herwinning terwyl plastiek in Outjo herwin word. Die kamp se warmwaterstelsel word gedurende die dag of gedurende minder besige tye, afgeskakel en die ligte van voetpaadjies en rylane word slegs in die aand aangeskakel om sodoende elektrisiteitsverbruik so laag as moontlik te hou. Aan kreatiwiteit skiet die kamp ook nie kort nie. Ou motorbande is as gemakstoele in die buitelig area ingerig en baddens dien as rusbanke.Die kamp is 10 km suid van die Andersson-hek geleë en dien dus as ’n gerieflike wegspringplek vir besoekers aan die Etosha Nasionale Park. Die Gondwana Collection vier ook tydens die NTE sy 20ste bestaansjaar en besoekers word genooi om saam by die Gondwana-saal aan die feesvieringe te deel. Hier gaan die Etosha Boys, die Suid-Afrikaanse Fancy Galada en die Professors vir musiek sorg.Ander finaliste in die Verantwoordelike Toerisme-toekennings is Nkasa Lupala Tented Lodge en Wolwedans se Boulders Camp in die kategorie vir verblyf terwyl Ultimate Safaris, Tourvest Destination Management Namibia/Sense of Africa en Pack Safari in die kategorie vir toeroperateurs genomineer is. Toegang vir die NTE is N$50 vir volwassenes en N$30 vir kinders, terwyl pensioenarisse en kinders onder 12 gratis kan ingaan. Kaartjies is by die hekke maar ook vooraf by Computicket beskikbaar.OpeningstyeHANDELAARS: Woensdag 18 Mei: 15:00 tot 22:00PUBLIEK: Donderdag 19 & Vrydag 20 Mei: 12:00 tot 21:00PUBLIEK: Saterdag 21 Mei: 10:00 tot 17:00

Etosha Safari Camp ’n finalis vir gesogte toerisme-toekenning

Kommentaar

Republikein 2026-04-03

Meld asseblief aan om kommentaar te lewer

Etosha Safari Camp ’n finalis vir gesogte toerisme-toekenning

Kommentaar

Republikein 2026-04-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.