Etosha Fishing verkoop beursnetvloot
Etosha Fishing gaan sy drie beursnetbote verkoop wat vir sardynvangste gebruik word.
Dit sal meebring dat 19 werknemers afgelê moet word.
Dié aankondiging is Donderdag in ‘n verklaring gemaak.
Die vismaatskappy sê swak vangste in buitelandse viswaters het tot die besluit gelei om die Prowess, Advance en Morgenster te verkoop.
Die plaaslike verbod van drie jaar op sardynvangste wat in 2018 ingestel is, het Etosha Fishing gedwing om sy beursnetbote in die Angolese en ander viswaters te ontplooi in ‘n poging om die bedryfskoste daarvan te verhaal en die bemanning in diens te hou, sê die maatskappy in sy verklaring.
Volgens die waarnemende besturende direkteur, me. Nezette Beukes, was die vangste in dié gebiede te min om die koste van die ontplooing te regverdig, en is die finansiële druk verhoog.
“Ons het geen ander keuse nie as om ons beursnetbote te verkoop, wat beteken dat ons nie verder in die posisie is om die bemanning in diens te hou nie,” sê sy.
Van die bemanning wat geraak word, is netwerkers.
Onderhandelinge het reeds in Januarie met die erkende vakbond, die Namibiese Unie vir See- en Verwante Werkers (Nasawu), begin en ‘n amptelike kennisgewing oor die voorneme is ook aan die kantoor van die arbeidskommissaris gestuur.
“Alle werknemers wat geraak word, is reeds in Desember 2018 oor die moontlike afleggings ingelig. Ons wou seker maak dat ons werknemers van die begin is goed ingelig is oor die proses om enige onsekerheid te voorkom en om deursigtigheid te verseker,” sê Beukes.
Nasawu se visepresident, mnr. Epson Kavekuire, wat die onderhandelinge namens die bemanningslede voer, sê die vakbond is gekant teen werksverliese, maar begryp die moeilike posisie waarin Etosha Fishing hom bevind.
“As hulle nie vis vang nie, kan hulle nie werk verskaf nie.”
Hy het sy tevredenheid uitgespreek met die wyse waarop die onderhandelinge gevoer is.
Etosha Fishing bedryf nog een boot, die Iona, wat verlede jaar teen hoë koste in ‘n verkoelingsvaartuig (RSW) omskep is. Dit word gebruik om in die Namibiese viswaters maasbanker te vang wat by die maatskappy se aanleg op Walvisbaai verwerk en geblik word.
In reaksie op die tanende sardynbronne in Namibië, het Etosha Fishing sedert 2010 gevriesde sardyne vir plaaslike verwerking ingevoer. Dit is gedoen in ‘n poging om werksgeleenthede by die inmaakfabriek te behou.
Dié maatskappy bedryf die oudste inmaakfabriek in Namibië en het tans 44 permanente en digby 550 seisoenwerkers in diens. Die ruggraat ban die bedryf oor die jare wat die inmaak van sardine vir sleutelhandelsmerke soos Lucky Star en Glenryck SA.
Sedert 2013 verwerk en blik Etosha Fishing oor maasbanker vir sy eie produkreeks, EFUTA Maasbanker. Nagenoeg 5 miljoen blikkies word jaarliks verkoop.
Dit sal meebring dat 19 werknemers afgelê moet word.
Dié aankondiging is Donderdag in ‘n verklaring gemaak.
Die vismaatskappy sê swak vangste in buitelandse viswaters het tot die besluit gelei om die Prowess, Advance en Morgenster te verkoop.
Die plaaslike verbod van drie jaar op sardynvangste wat in 2018 ingestel is, het Etosha Fishing gedwing om sy beursnetbote in die Angolese en ander viswaters te ontplooi in ‘n poging om die bedryfskoste daarvan te verhaal en die bemanning in diens te hou, sê die maatskappy in sy verklaring.
Volgens die waarnemende besturende direkteur, me. Nezette Beukes, was die vangste in dié gebiede te min om die koste van die ontplooing te regverdig, en is die finansiële druk verhoog.
“Ons het geen ander keuse nie as om ons beursnetbote te verkoop, wat beteken dat ons nie verder in die posisie is om die bemanning in diens te hou nie,” sê sy.
Van die bemanning wat geraak word, is netwerkers.
Onderhandelinge het reeds in Januarie met die erkende vakbond, die Namibiese Unie vir See- en Verwante Werkers (Nasawu), begin en ‘n amptelike kennisgewing oor die voorneme is ook aan die kantoor van die arbeidskommissaris gestuur.
“Alle werknemers wat geraak word, is reeds in Desember 2018 oor die moontlike afleggings ingelig. Ons wou seker maak dat ons werknemers van die begin is goed ingelig is oor die proses om enige onsekerheid te voorkom en om deursigtigheid te verseker,” sê Beukes.
Nasawu se visepresident, mnr. Epson Kavekuire, wat die onderhandelinge namens die bemanningslede voer, sê die vakbond is gekant teen werksverliese, maar begryp die moeilike posisie waarin Etosha Fishing hom bevind.
“As hulle nie vis vang nie, kan hulle nie werk verskaf nie.”
Hy het sy tevredenheid uitgespreek met die wyse waarop die onderhandelinge gevoer is.
Etosha Fishing bedryf nog een boot, die Iona, wat verlede jaar teen hoë koste in ‘n verkoelingsvaartuig (RSW) omskep is. Dit word gebruik om in die Namibiese viswaters maasbanker te vang wat by die maatskappy se aanleg op Walvisbaai verwerk en geblik word.
In reaksie op die tanende sardynbronne in Namibië, het Etosha Fishing sedert 2010 gevriesde sardyne vir plaaslike verwerking ingevoer. Dit is gedoen in ‘n poging om werksgeleenthede by die inmaakfabriek te behou.
Dié maatskappy bedryf die oudste inmaakfabriek in Namibië en het tans 44 permanente en digby 550 seisoenwerkers in diens. Die ruggraat ban die bedryf oor die jare wat die inmaak van sardine vir sleutelhandelsmerke soos Lucky Star en Glenryck SA.
Sedert 2013 verwerk en blik Etosha Fishing oor maasbanker vir sy eie produkreeks, EFUTA Maasbanker. Nagenoeg 5 miljoen blikkies word jaarliks verkoop.
Kommentaar
Republikein
Geen kommentaar is op hierdie artikel gelaat nie