Ethereum nou ook op Luno-platform te koop
Jy kan nou ook die kriptogeldeenheid ethereum op Luno verhandel.
Hanlie Stadler - Die Suid-Afrikaans gebore verhandelingsplatform, Luno, het tot dusver slegs bitcoin-verhandeling moontlik gemaak, en ook nét die oorspronklike geldeenheid, nie die afstamelinge van bitcoin soos bitcoin cash nie.
Ethereum is die tweede grootste kriptogeldeenheid ter wêreld.
Volgens Marcus Swanepoel, medestigter en uitvoerende hoof van Luno, is dit hul siening dat die wêreld in die rigting beweeg waar verskeie virtuele geldeenhede gebruik sal word, pleks dat net een oorheers. Die bekendstelling van ethereum op die platform ondersteun hul siening.
Bitcoin se prys het die afgelope 12 maande al met 945% gestyg, volgens Coindesk. Dit het Woensdag 8 November 'n nuwe algehele rekord van US$7 721,98 getref. Meer as 16,67 miljoen van die 21 miljoen moontlike bitcoins is al gemyn.
Ethereum is goedkoper, maar dié kriptogeldeenheid het die afgelope 12 maande al met meer as 2 700% gestyg – van US$10 tot nagenoeg US$283 Donderdag, volgens Coindesk. Byna 95,62 miljoen ethereums is al gemyn. Die limiet vir ethereum is op 230 miljoen gestel, volgens Coindesk.
Luno is in 40 lande aktief. – Netwerk24
Ethereum is die tweede grootste kriptogeldeenheid ter wêreld.
Volgens Marcus Swanepoel, medestigter en uitvoerende hoof van Luno, is dit hul siening dat die wêreld in die rigting beweeg waar verskeie virtuele geldeenhede gebruik sal word, pleks dat net een oorheers. Die bekendstelling van ethereum op die platform ondersteun hul siening.
Bitcoin se prys het die afgelope 12 maande al met 945% gestyg, volgens Coindesk. Dit het Woensdag 8 November 'n nuwe algehele rekord van US$7 721,98 getref. Meer as 16,67 miljoen van die 21 miljoen moontlike bitcoins is al gemyn.
Ethereum is goedkoper, maar dié kriptogeldeenheid het die afgelope 12 maande al met meer as 2 700% gestyg – van US$10 tot nagenoeg US$283 Donderdag, volgens Coindesk. Byna 95,62 miljoen ethereums is al gemyn. Die limiet vir ethereum is op 230 miljoen gestel, volgens Coindesk.
Luno is in 40 lande aktief. – Netwerk24
Kommentaar
Republikein
Geen kommentaar is op hierdie artikel gelaat nie