Eskom wil R66 miljard oor 5 jaar insamel
Francois Williams - Eskom stel voor dat die R66 miljard wat hy in sy tussentydse tariefaansoek eis, oor vyf jaar ingefaseer word, het Calib Cassim, waarnemende finansiële hoof van Eskom, gister gesê.
Hy het op die laaste openbare sitting oor die aansoek van die Nasionale Energiereguleerder (Nersa) in Gauteng gesê die kragtariewe vir die volgende drie boekjare kan dan argumentsonthalwe met ’n ekstra drie persentasiepunte per jaar styg, en vir die vierde en vyfde boekjare kan dit na gelang van die markfaktore aangepas word.
Hy het gewaarsku dat dit Eskom se geldkrisis sal vererger as die bedrag oor ’n nóg langer tydperk ingefaseer word.
Hy het herhaal dat die kredietgraderingsagentskappe gesê het dat Nersa se besluit oor dié aansoek bepalend vir Eskom se kredietgradering sal wees.
Cassim sê Nersa het reeds Eskom se metode om steenkoolverbruik te bereken, aanvaar. Dit kom nadat waarnemers vroeër Eskom se berekeninge in twyfel getrek het.
Cassim sê die jongste syfers oor Eskom se steenkoolvolumes asook die prys wat hy vir steenkool betaal, is by sy aansoek ingereken.
Hy meen Eskom se metode is billik en korrek, en meen dit word bevestig daardeur dat Nersa wel sy metode aanvaar. Die aansoek is om R66 miljard se verlore inkomste te verhaal weens veranderde markfaktore sedert Eskom se aanvanklike tariefaansoeke vir die spesifieke drie boekjare (van 2014) waarvoor hy nou aansoek doen.
Cassim het wal gegooi teen kritici se argument dat al die verlore geld weens vermorsing en korrupsie by Eskom R66 miljard bedra en dit daarom nie nodig is om Eskom enige tariefverhoging te gee nie. Hy meen die reëls van die tariefmeganisme laat nie soiets toe nie.
Hy het bevestig dat Eskom nog die R1,6 miljard deur die howe probeer terugkry wat hy aan die konsultasiefirmas McKinsey en Trillian betaal het. Dit hou verband met konsultasiegelde en val dus onder bedryfskoste.
Cassim het beklemtoon dié bedrag is nie deel van die R66 miljard wat Eskom wil verhaal nie.
Hy het gesê Eskom neem korrupsie en bedrog ernstig op, maar dit hou nie verband met Eskom se elektrisiteitsverkope of aankope van elektrisiteit van buurlande of van onafhanklike kragprodusente nie. - Netwerk24
Hy het op die laaste openbare sitting oor die aansoek van die Nasionale Energiereguleerder (Nersa) in Gauteng gesê die kragtariewe vir die volgende drie boekjare kan dan argumentsonthalwe met ’n ekstra drie persentasiepunte per jaar styg, en vir die vierde en vyfde boekjare kan dit na gelang van die markfaktore aangepas word.
Hy het gewaarsku dat dit Eskom se geldkrisis sal vererger as die bedrag oor ’n nóg langer tydperk ingefaseer word.
Hy het herhaal dat die kredietgraderingsagentskappe gesê het dat Nersa se besluit oor dié aansoek bepalend vir Eskom se kredietgradering sal wees.
Cassim sê Nersa het reeds Eskom se metode om steenkoolverbruik te bereken, aanvaar. Dit kom nadat waarnemers vroeër Eskom se berekeninge in twyfel getrek het.
Cassim sê die jongste syfers oor Eskom se steenkoolvolumes asook die prys wat hy vir steenkool betaal, is by sy aansoek ingereken.
Hy meen Eskom se metode is billik en korrek, en meen dit word bevestig daardeur dat Nersa wel sy metode aanvaar. Die aansoek is om R66 miljard se verlore inkomste te verhaal weens veranderde markfaktore sedert Eskom se aanvanklike tariefaansoeke vir die spesifieke drie boekjare (van 2014) waarvoor hy nou aansoek doen.
Cassim het wal gegooi teen kritici se argument dat al die verlore geld weens vermorsing en korrupsie by Eskom R66 miljard bedra en dit daarom nie nodig is om Eskom enige tariefverhoging te gee nie. Hy meen die reëls van die tariefmeganisme laat nie soiets toe nie.
Hy het bevestig dat Eskom nog die R1,6 miljard deur die howe probeer terugkry wat hy aan die konsultasiefirmas McKinsey en Trillian betaal het. Dit hou verband met konsultasiegelde en val dus onder bedryfskoste.
Cassim het beklemtoon dié bedrag is nie deel van die R66 miljard wat Eskom wil verhaal nie.
Hy het gesê Eskom neem korrupsie en bedrog ernstig op, maar dit hou nie verband met Eskom se elektrisiteitsverkope of aankope van elektrisiteit van buurlande of van onafhanklike kragprodusente nie. - Netwerk24
Kommentaar
Republikein
Geen kommentaar is op hierdie artikel gelaat nie