Eskom vra nou méér as 15%

Elvira Wood – Eskom het sy aansoek vir tariefverhogings oor die volgende drie jaar verhoog omdat dit nou blyk dat sy kragverkope laer gaan wees as wat hy voorheen verwag het.Hy vra die nasionale energiereguleerder (Nersa) dus nou vir ’n verhoging oor drie jaar van tussen 15,4% en 17,1% per jaar.Die nuwe syfers verskyn heel onderaan bladsy 39 (uit 44 bladsye) van sy voorlegging aan Nersa.Eskom het by navraag gesê Nersa het hom versoek om sy aansoek aan te pas op grond van die jongste ontwikkelings.Die belangrikste van dié ontwikkelings is volgens Eskom:Aannames oor verkope, wat laer is as in die oorspronklike aansoek.Veranderings aan die energie-beskikbaarheidsfaktor; enOpwekkingseenhede wat in reserweberging is, is uit die regulatoriese bategrondslag (RAB) verwyder. Dit verdien dus nie meer waardevermindering of opbrengs nie. Dit is omdat hierdie eenhede nie binne 12 maande weer in diens gestel kan word nie.Eskom sê hy vra dus nie vir ’n groter bedrag geld nie, maar in die lig van laer verkope moet sy tariewe styg om dieselfde bedrag te kan invorder.Eskom vra nou dat tariewe met 17,1% in die eerste, 15,4% in die tweede en 15,5% in die derde jaar verhoog word.Eskom het Maandag in sy soveelste openbare voorlegging aan Nersa – dié keer in Midrand, Gauteng, volgehou dat dié verhogings tot voordeel van Suid-Afrika is.Hy erken wel dat sy voorgestelde verhoging ongetwyfeld ’n negatiewe invloed op veral die goud- en platinumsektor sal hê.Hy sê egter dit sal groter ekonomiese skade aanrig as daar onsekerheid is oor kragverskaffing.TeenkantingDie Organisasie teen Belastingmisbruik (Outa) maak beswaar oor die wysiging.“Outa is daarteen gekant dat Eskom aan die einde van die konsultasieproses ’n verandering aan sy aansoek aanbring. Dit plaas die integriteit van die aansoek onder verdenking,” sê Outa Maandag in ’n verklaring.“Eskom vra ook ’n bykomende R21,6 miljard vir sy aansuiweringsrekening, wat by die tariefverhoging gevoeg sal word.“Benewens hierdie toenames het Nersa reeds ’n prysstyging van 4,41% vir 2019-’20 vir die aansuiweringsrekening goedgekeur.“Outa stel voor dat Nersa geen bykomende bedrae vir die aansuiweringsrekening goedkeur nie en dat tariefverhogings tot die huidige inflasiekoers beperk word.”Outa gee ’n lang lys redes hoekom hy glo Nersa moenie die aansoek goedkeur nie.Dit sluit klagtes in dat Eskom nie goed bestuur word nie, en onvoldoende toesig oor hoe geld aan nuwe kragstasies bestee word.“Eskom is tegnies bankrot. Die onlangse aanbeveling van die raadgewende paneel dat dit in drie afsonderlike ondernemings opgedeel moet word, is ’n belangrike stap in die rigting van volhoubaarheid.” – Netwerk24

Eskom vra nou méér as 15%

Kommentaar

Republikein 2026-01-15

Meld asseblief aan om kommentaar te lewer

Eskom vra nou méér as 15%

Kommentaar

Republikein 2026-01-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.