Eskom ontken hy dank tydelike werkers af

Francois Williams - Eskom Rotek Industries (ERI) het Maandag ontken dat hy duisende tydelike werkers gaan aflê.Dit kom ná bewerings dat hy beoog om kontrakte met arbeidsmakelaars op te sê.Die ERI, wat onder meer instandhouding- en konstruksiewerk vir Eskom doen, het verduidelik van sy werk is dikwels seisoenaal van aard en projekverwant, en hy gebruik dus arbeidsmakelaars (of wat die ERI noem “tydelike indiensnemingsdienste-maatskappye”). Khulu Phasiwe, Eskom-woordvoerder, sê die ERI neem tans sowat 5 000 mense in diens via die arbeidsmakelaars.Die ERI het tans kontrakte met nege makelaars wat tot ’n einde kom en hy het ’n oop tenderproses begin vir die nuwe kontrakte. “Die proses is om ’n billike, deursigtige, kostedoeltreffende en mededingende verkrygingsproses te verseker wat aan die riglyne van die Wet op die Bestuur van Openbare Finansies voldoen.”Phasiwe het beklemtoon die ERI sal voortgaan om die betrokke firmas se dienste te gebruik ingevolge hul bestaande kontrakte totdat die tenderproses afgehandel is.DRUK OOR PERSONEELGETALLEDit kom te midde van druk wat oplaai dat Eskom sy personeelgetalle moet verlaag.Eskom het volgens sy 2017-jaarverslag ’n arbeidsmag van 47 658, terwyl hy in die 2016-’17-boekjaar ’n omset van R175,1 miljard ($14,3 miljard) behaal en elektrisiteit van 214 121 gigawatt-uur (214 TWh) verkoop het. Eskom se beskikbare kragopwekkingsvermoë is 44 134 MW.Vergeleke hiermee het Electrobras, sy eweknie in Brasilië, ’n arbeidsmag van 25 809, en produseer byna 171 TWh se elektrisiteit uit ’n kragopwekkingsvermoë van 46 856 MW. Electrobras het ’n omset van $11,4 miljard, volgens sy webruimte.Waar Electrobras dus 150 werkers het vir elke 1 terawatt-uur se elektrisiteit wat hy lewer, het Eskom 222 werkers vir elke 1 terawatt-uur. Hiervolgens behoort Eskom sy personeelgetalle tot 32 100 te verlaag as hy dieselfde verhouding van werkers tot elektrisiteitslewering wil hê.Ted Blom, konsultant van Mining & Energy Advisors, het op die nasionale energiereguleerder (Nersa) se openbare sitting in Kaapstad verlede week oor Eskom se terugwerkende tariefaansoeke gesê die Wêreldbank se teiken is dat Eskom eerder ’n arbeidsmag van sowat 15 000 moet hê.’n Studie van die Wêreldbank in 2016 oor die bekostigbaarheid van elektrisiteit in Afrika wys dat 15% van die verskuilde koste vir elektrisiteit in Suid-Afrika uit Eskom se opgeblase personeelgetalle spruit.Eskom is luidens sy 2017-jaarverslag wel van plan om sy personeelgetalle teen die 2021-’22-boekjaar deur natuurlike uitvloei tot 36 746 te verlaag.Dis ’n verlaging van byna 23% of byna 11 000 werkers.Eskom het teen einde Maart verlede jaar 41 940 permanente werknemers gehad, plus 5 718 werkers wat via vastetermynkontrakteurs by die ERI werk.Nersa se openbare sitting oor Eskom se terugwerkende aansoeke is Maandag in Klerksdorp in Noordwes. – Netwerk24

Eskom ontken hy dank tydelike werkers af

Kommentaar

Republikein 2025-11-05

Meld asseblief aan om kommentaar te lewer

Eskom ontken hy dank tydelike werkers af

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.