Eskom bêre Chinese lening in kragstasie
Altesame 14 ooreenkomste ter waarde van US$14,7 miljard (sowat R196,25 miljard) is onderteken.
Die lening van US$2,5 miljard (sowat R33,38 miljard) wat die Ontwikkelingsbank van China aan Eskom toegestaan het, sal gebruik word om die Kusile-kragstasie in Mpumalanga te voltooi.
Só het Phakamani Hadebe, Eskom se uitvoerende hoof, ná die ondertekening van die ooreenkoms Dinsdagmiddag aan joernaliste gesê.
“Dit is 'n gewone handelslening,” het Andre Pillay, tesouriehoof van Eskom, bygevoeg.
Eskom bevind hom tans in 'n finansiële krisis.
Die ooreenkoms, waarvoor die Suid-Afrikaanse regering die waarborge verskaf het, is onderteken op 'n mediakonferensie ná 'n ontmoeting by die Uniegebou in Pretoria tussen pres. Cyril Ramaphosa en sy Chinese ampsgenoot, pres. Xi Jinping.
Eskom moet die lening binne 15 jaar terugbetaal.
Altesame 14 ooreenkomste ter waarde van US$14,7 miljard (sowat R196,25 miljard) is onderteken.
Transnet het op sy beurt ook 'n ooreenkoms met 'n Chinese bank onderteken, terwyl Naspers en die Bank van China dieselfde gedoen het. Die besonderhede van dié lenings is nie bekend nie.
'CHINESE IS BETROUBAAR'
Dr. Rob Davies, minister van handel en nywerheid, het ná die mediakonferensie gesê wanneer jy met die Chinese 'n ooreenkoms aangaan “verbind hulle hulself daartoe. Hulle is betroubaar.”
Die minister sê twee sake het vir hom met die gesprekke tussen die twee regerings uitgestaan.
Die een is Xi se uitlating dat China meer afvaardigings na Suid-Afrika sal stuur om te kom goedere koop, en die ander is die internasionale tentoonstelling vir invoerders wat China in November aanbied. Suid-Afrika sal spesiale status op dié tentoonstelling hê, wat baie deure vir Suid-Afrikaanse uitvoerders kan oopmaak.
Davis sê hoewel die “handelsoorlog” (tussen die VSA en China) wat tans op almal se lippe is, gereeld in Brics-geledere bespreek word, is dit nie Dinsdag tussen die twee afvaardigings geopper nie.
Ramaphosa sê handel tussen Suid-Afrika en China het die laaste paar jaar stewig gegroei. – Netwerk24
Só het Phakamani Hadebe, Eskom se uitvoerende hoof, ná die ondertekening van die ooreenkoms Dinsdagmiddag aan joernaliste gesê.
“Dit is 'n gewone handelslening,” het Andre Pillay, tesouriehoof van Eskom, bygevoeg.
Eskom bevind hom tans in 'n finansiële krisis.
Die ooreenkoms, waarvoor die Suid-Afrikaanse regering die waarborge verskaf het, is onderteken op 'n mediakonferensie ná 'n ontmoeting by die Uniegebou in Pretoria tussen pres. Cyril Ramaphosa en sy Chinese ampsgenoot, pres. Xi Jinping.
Eskom moet die lening binne 15 jaar terugbetaal.
Altesame 14 ooreenkomste ter waarde van US$14,7 miljard (sowat R196,25 miljard) is onderteken.
Transnet het op sy beurt ook 'n ooreenkoms met 'n Chinese bank onderteken, terwyl Naspers en die Bank van China dieselfde gedoen het. Die besonderhede van dié lenings is nie bekend nie.
'CHINESE IS BETROUBAAR'
Dr. Rob Davies, minister van handel en nywerheid, het ná die mediakonferensie gesê wanneer jy met die Chinese 'n ooreenkoms aangaan “verbind hulle hulself daartoe. Hulle is betroubaar.”
Die minister sê twee sake het vir hom met die gesprekke tussen die twee regerings uitgestaan.
Die een is Xi se uitlating dat China meer afvaardigings na Suid-Afrika sal stuur om te kom goedere koop, en die ander is die internasionale tentoonstelling vir invoerders wat China in November aanbied. Suid-Afrika sal spesiale status op dié tentoonstelling hê, wat baie deure vir Suid-Afrikaanse uitvoerders kan oopmaak.
Davis sê hoewel die “handelsoorlog” (tussen die VSA en China) wat tans op almal se lippe is, gereeld in Brics-geledere bespreek word, is dit nie Dinsdag tussen die twee afvaardigings geopper nie.
Ramaphosa sê handel tussen Suid-Afrika en China het die laaste paar jaar stewig gegroei. – Netwerk24
Kommentaar
Republikein
Geen kommentaar is op hierdie artikel gelaat nie