Ervaring tel in Nedbank-resies

Die tydsberekening van die wegbreek was deurslaggewend in gister se elite mansresies van die Nedbank Cycle Challenge padfietsbyeenkoms.Dan Craven, Drikus Coetzee en Loto Petrus het aan die einde van die 100 kilometer afstand die finale jaagtog in dié volgorde voltooi, nadat hulle van die res van die groep weggebreek het en hard gery het om die voorsprong enduit te behou.Die ryers in die vierde en vyfde plekke, André de Klerk en die o.23-ryer Alwyn Steenkamp, het meer as twee minute later klaargemaak. Dié twee was op hul beurt omtrent drie minute voor die res van die toptien, naamlik Gerhard Mans junior, Jaco Hanekom, Ingram Cuff, Xavier Papo en Pierre Knoetze.Die vroueresies het ook op 'n naelresies geëindig met Vera Adrian die wenner teen Michelle Vorster.Intussen sal die grootste Namibiese nasionale span nóg vanaf Woensdag in die Afrika-padfietskampioenskap in Rwanda meeding.Vera Adrian is die enigste vroueryer en sal streef om haar Afrika-titels (tydtoets en padresies) van 2015 te herhaal. Die elite manspan is Martin Freyer, Craven, Coetzee, Loto Petrus, Xavier Papo en Chiponeni Kashululu, terwyl die junior mans se aanslag van Charl du Plooy, Alex Miller, Schalk van der Merwe en Dieter Koen sal kom.Na verneem word, sal Suid-Afrika waarskynlik by die komende kontinentale kampioenskap afwesig wees.• Meer oor gister se fietsry binne in Sports Wrap.

Ervaring tel in Nedbank-resies

Kommentaar

Republikein 2025-05-09

Meld asseblief aan om kommentaar te lewer

Ervaring tel in Nedbank-resies

Kommentaar

Republikein 2025-05-09

Meld asseblief aan om kommentaar te lewer

MELD AAN

Advertensie