Erongo se paaie eis nog twee

Des Erasmus - Twee mense is dood in drie padongelukke wat sedert Vrydagoggend in die Erongostreek aangemeld is. In een van die ongelukke was vier taxi's in ’n kettingbotsing betrokke. Die noodlottige ongeluk het in die vroeë oggendure van Vrydag op die grondpad na Etemba sowat 30 km buite Omaruru gebeur. Die twee insittendes van ’n mikrobussie het gesterf toe die voertuig die pad verlaat en verskeie kere gerol het. Die ongeluk is deur insittendes van nog ’n voertuig aangemeld wat ook van Omaruru onderweg was.Die vier taxi's was Vrydagoggend betrokke by ’n ongeluk op die kusweg tussen Afrodite Beach en Walvisbaai. Een van die taxi's het blykbaar ’n tweede taxi op sleeptou gehad toe ’n derde taxi die voorste twee van agter getref het. Toe het ’n vierde taxi van agter in die voorste drie vasgery. Nege van die insttendes van die vier motors is vir hul beserings behandel. Een van die beseerdes is vir verdere behandeling van die staatshospitaal op Walvisbaai na Windhoek oorgeplaas. Die ander agt se beserings was lig en minder ernstig.Die derde ongeluk is Saterdagoggend tussen Swakopmund en Hentiesbaai op die kusweg aangemeld. Die bestuurder van ’n ligte motor het blykbaar beheer oor die voertuig verloor waarna die voertuig verskeie kere gerol het. Een van die twee insittendes is vir ligte beserings na Swakopmund gebring. Die ander insittende is deur nog ’n verbyganger van die toneel van die ongeluk na veiligheid gebring.

Erongo se paaie eis nog twee

Kommentaar

Republikein 2026-01-29

Meld asseblief aan om kommentaar te lewer

Erongo se paaie eis nog twee

Kommentaar

Republikein 2026-01-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.