Ernstige slagbeestekort in 2020 verwag
Terwyl die varkbedryf in 2019 in 61% van Namibiërs se vraag na varkvleis voorsien het, is die swakker bemarking van skape in ’n droogtejaar ongewoon.
Elvira Hattingh - Ernstige uitdagings met die beskikbaarheid van slagbeeste word in 2020 verwag, terwyl verbeterde pryse vir lewende hawe in die vooruitsig is weens ’n gebrek aan bemarkbare diere.
Die Vleisraad van Namibië het in ’n verslag oor die prestasie van die vleissektor in 2019 se vierde kwartaal gesê bek-en-klouseer-uitbrekings in Suid-Afrika het ’n negatiewe invloed op uitvoere van lewende bees gehad.
Die buurland is een van Namibië se grootste handelsvennote.
Tog het die gedwonge bemarking van bees weens die droogte gesorg dat die beessektor in die algemeen goed in 2019 se vierde kwartaal presteer het. Dié prestasie is deur mededingende pryse van uitvoerabattoirs gerugsteun.
Die Vleisraad sê die skaapsektor het swakker gevaar weens ernstige inkortings in die slagaktiwiteite van beide uitvoer- en B- en C-klas abattoirs.
“Hoewel die droogte vir skokke in die skaapmark gesorg het, bied die opskorting van die kleinveebemarkingskema die bedryf die geleentheid om markkragte buite kwantitatiewe beperkings te ervaar.
“Ook is daar nou kans om ’n strategie op te stel om die regering se tuisgroei-beleide te steun, asook om die negatiewe produksieneiging in die skaapsektor om te keer,” lui die verslag.
Die Vleisraad sê die varkbedryf se markaandeelbevorderingskema het daarvoor gesorg dat ’n gesonde verhouding tussen plaaslike produksie en invoere gehandhaaf kon word.
Tog sal dié tendens net volgehou kan word as doelbewuste beleggings in volhoubare en mededingende produksiegeriewe gemaak word, terwyl die bedryf se beskermingsmeganisme verleng word, sê die Vleisraad.
BEESSEKTOR
Die Vleisraad sê in die laaste kwartaal van 2019 was daar ’n algemene verhoging in die aantal beeste wat bemark is (sowat 4,78%) in vergelyking met dieselfde tyd in 2018.
Beesbemarking het van 441 559 beeste in 2018 na 462 646 beeste in 2019 toegeneem.
Verslagting by uitvoerabattoirs het met 71,26% toegeneem, hoewel B- en C-klas abattoirs en lewende uitvoere met onderskeidelik -7,66% en 9,19% afgeneem het.
“Hoewel uitvoerabattoirs in dié tydperk gemiddeld 87,34% van hul kapasiteit benut het, het Meatco die hele jaar lank 91,84% van sy kapasiteit benut,” sê die Vleisraad.
Van al die beeste wat bemark is, is 63% lewend uitgevoer, 28% aan uitvoerabattoirs gelewer en 9% aan B- en C-klas abattoirs.
Laasgenoemde abattoirs het 2% van hul aandeel aan uitvoerabattoirs afgestaan.
SKAAPSEKTOR
Die Vleisraad sê langtermyntendense toon steeds ’n geleidelike vermindering in skaapbemarking. Boonop het die bedryf swakker in 2019 as in 2018 gevaar en 740 481 skaap in totaal bemark, vergeleke met 820 786 in 2018.
“Die verminderings is onverwags in ’n droogtejaar en dui op ’n krimpende nasionale kudde,” sê die verslag.
Lewende uitvoere het bestendig gebly, maar beide A-, B- en C-klas abattoirs het swak gevaar. Uitvoerabattoirs se verslagting het met 19,18% afgeneem, terwyl ander slagters ’n afname van 25,49% ervaar het.
Die gemiddelde Namibiese prys vir skaapvleis van alle grade was N$41,57/kg, terwyl die A2-prys met 11,97% van N$65,56/kg in 2018 na N$57,71/kg in 2019 gedaal het.
In die Noordkaap is soortgelyke dalings waargeneem, hoewel produsente in die gebied gemiddeld steeds N$5,28 meer per kilogram ontvang het.
Die korttermynopskorting van die kleinveebemarkingskema is ingestel om die bedryf, asook beleidmakers toe te laat om strategieë op te stel om skaap plaaslik vir verslagting te hou vir plaaslike waardetoevoeging, maar ook om die dalende skaapproduksietendens te takel.
C2-skaapvleis se prys het met gemiddeld 12,54% in 2019 gedaal tot ’n gemiddeld van N$41,36/kg, vergeleke met N$47,29/kg in 2018.
Die verskil tussen Namibiese pryse en dié van die Noord-Kaap was -N$3,90/kg in die tydperk.
In 2018 was die verskil N$3,40.
VARKBEDRYF
Die varksektor se markaandeelbevorderingskema is op 1 Oktober 2012 ingestel om dit teen goedkoop invoere te beskerm en die bedryf toe te laat om meer mededingend te raak.
Minder as 12 maande wat oor is voor dié beskerming verstryk, dui ’n voorlopige opname daarop dat plaaslike produksie van varkvleis wel verhoog het.
’n Groter persentasie van plaaslike bronne is in die mark teenwoordig.
Tog, sê die Vleisraad, is daar nie sekerheid oor die volhoubaarheid van die bestaande mark buite die beskermingsmeganisme nie.
Groter navorsing oor produksie is nodig.
Boonop kan die mededingendheid van plaaslike produsente, uitdagings in toetrede tot die bedryf en tegniese oorwegings vereis dat die beskerming verleng word.
Altesaam 47 519 varke is in 2019 bemark, en plaaslike varkvleis het in 61% van Namibië se vraag daarna voorsien. In 2019 is altesaam 6 599 ton varkvleis deur Namibiërs geëet, waarvan 4 039 ton plaaslik verkry is en 2 560 ton ingevoer is.
– [email protected]
Die Vleisraad van Namibië het in ’n verslag oor die prestasie van die vleissektor in 2019 se vierde kwartaal gesê bek-en-klouseer-uitbrekings in Suid-Afrika het ’n negatiewe invloed op uitvoere van lewende bees gehad.
Die buurland is een van Namibië se grootste handelsvennote.
Tog het die gedwonge bemarking van bees weens die droogte gesorg dat die beessektor in die algemeen goed in 2019 se vierde kwartaal presteer het. Dié prestasie is deur mededingende pryse van uitvoerabattoirs gerugsteun.
Die Vleisraad sê die skaapsektor het swakker gevaar weens ernstige inkortings in die slagaktiwiteite van beide uitvoer- en B- en C-klas abattoirs.
“Hoewel die droogte vir skokke in die skaapmark gesorg het, bied die opskorting van die kleinveebemarkingskema die bedryf die geleentheid om markkragte buite kwantitatiewe beperkings te ervaar.
“Ook is daar nou kans om ’n strategie op te stel om die regering se tuisgroei-beleide te steun, asook om die negatiewe produksieneiging in die skaapsektor om te keer,” lui die verslag.
Die Vleisraad sê die varkbedryf se markaandeelbevorderingskema het daarvoor gesorg dat ’n gesonde verhouding tussen plaaslike produksie en invoere gehandhaaf kon word.
Tog sal dié tendens net volgehou kan word as doelbewuste beleggings in volhoubare en mededingende produksiegeriewe gemaak word, terwyl die bedryf se beskermingsmeganisme verleng word, sê die Vleisraad.
BEESSEKTOR
Die Vleisraad sê in die laaste kwartaal van 2019 was daar ’n algemene verhoging in die aantal beeste wat bemark is (sowat 4,78%) in vergelyking met dieselfde tyd in 2018.
Beesbemarking het van 441 559 beeste in 2018 na 462 646 beeste in 2019 toegeneem.
Verslagting by uitvoerabattoirs het met 71,26% toegeneem, hoewel B- en C-klas abattoirs en lewende uitvoere met onderskeidelik -7,66% en 9,19% afgeneem het.
“Hoewel uitvoerabattoirs in dié tydperk gemiddeld 87,34% van hul kapasiteit benut het, het Meatco die hele jaar lank 91,84% van sy kapasiteit benut,” sê die Vleisraad.
Van al die beeste wat bemark is, is 63% lewend uitgevoer, 28% aan uitvoerabattoirs gelewer en 9% aan B- en C-klas abattoirs.
Laasgenoemde abattoirs het 2% van hul aandeel aan uitvoerabattoirs afgestaan.
SKAAPSEKTOR
Die Vleisraad sê langtermyntendense toon steeds ’n geleidelike vermindering in skaapbemarking. Boonop het die bedryf swakker in 2019 as in 2018 gevaar en 740 481 skaap in totaal bemark, vergeleke met 820 786 in 2018.
“Die verminderings is onverwags in ’n droogtejaar en dui op ’n krimpende nasionale kudde,” sê die verslag.
Lewende uitvoere het bestendig gebly, maar beide A-, B- en C-klas abattoirs het swak gevaar. Uitvoerabattoirs se verslagting het met 19,18% afgeneem, terwyl ander slagters ’n afname van 25,49% ervaar het.
Die gemiddelde Namibiese prys vir skaapvleis van alle grade was N$41,57/kg, terwyl die A2-prys met 11,97% van N$65,56/kg in 2018 na N$57,71/kg in 2019 gedaal het.
In die Noordkaap is soortgelyke dalings waargeneem, hoewel produsente in die gebied gemiddeld steeds N$5,28 meer per kilogram ontvang het.
Die korttermynopskorting van die kleinveebemarkingskema is ingestel om die bedryf, asook beleidmakers toe te laat om strategieë op te stel om skaap plaaslik vir verslagting te hou vir plaaslike waardetoevoeging, maar ook om die dalende skaapproduksietendens te takel.
C2-skaapvleis se prys het met gemiddeld 12,54% in 2019 gedaal tot ’n gemiddeld van N$41,36/kg, vergeleke met N$47,29/kg in 2018.
Die verskil tussen Namibiese pryse en dié van die Noord-Kaap was -N$3,90/kg in die tydperk.
In 2018 was die verskil N$3,40.
VARKBEDRYF
Die varksektor se markaandeelbevorderingskema is op 1 Oktober 2012 ingestel om dit teen goedkoop invoere te beskerm en die bedryf toe te laat om meer mededingend te raak.
Minder as 12 maande wat oor is voor dié beskerming verstryk, dui ’n voorlopige opname daarop dat plaaslike produksie van varkvleis wel verhoog het.
’n Groter persentasie van plaaslike bronne is in die mark teenwoordig.
Tog, sê die Vleisraad, is daar nie sekerheid oor die volhoubaarheid van die bestaande mark buite die beskermingsmeganisme nie.
Groter navorsing oor produksie is nodig.
Boonop kan die mededingendheid van plaaslike produsente, uitdagings in toetrede tot die bedryf en tegniese oorwegings vereis dat die beskerming verleng word.
Altesaam 47 519 varke is in 2019 bemark, en plaaslike varkvleis het in 61% van Namibië se vraag daarna voorsien. In 2019 is altesaam 6 599 ton varkvleis deur Namibiërs geëet, waarvan 4 039 ton plaaslik verkry is en 2 560 ton ingevoer is.
– [email protected]
Kommentaar
Republikein
Geen kommentaar is op hierdie artikel gelaat nie