Ergste koue nog op pad

Elvira Hattingh – Terwyl yskoue weer vir Namibië voorspel word, sê weerkenners dit blyk dat gunstige toestande vir die reënseisoen reeds besig is om te ontwikkel. Namibië kan moontlik goeie reënneerslae vanaf November ontvang, maar eers sal koue toestande van einde Junie af en vir die grootste dele van Julie voorkom. Boonop kan ryp tot so ver as die noorde van Namibië versprei. Só sê mnr. Johan van den Berg, ‘n onafhanklike landbouweerkundige, in sy jongste klimaatsvooruitskouingsverslag.KOUE“Ryp sal na verwagting tot laat in die lente voorkom omdat die winter láát begin het en aangesien die westelike Indiese Oseaan tans koeler seeoppervlaktemperature handhaaf. Dikwels kom sneeu in die wintermaande voor ná ‘n La Niña-weerverskynsel,” sê Van den Berg. Hy meen dit is dus waarskynlik dat dit nog in die middel- tot laat wintermaande in Suid-Afrika kan sneeu. Ongelukkig word min tot geen reën in die winter en lente in Namibië verwag.VOORUITSIGTE“Die komende reënseisoen sal waarskynlik vroeër in die sentrale en oostelike dele van Suider-Afrika begin, in vergelyking met die afgelope jare. Boonop is beide die Indiese Oseaan asook in Niño-gebiede gunstig vir die komende somerreënseisoen,” het hy bygevoeg. Dit volg op ‘n – tot dusver – gunstige reënseisoen en koue toestande in Suid-Afrika se winterreëngebiede.“Gunstige toestande in die Indiese Oseaan behoort die grootste dryfveer vir klimaat- en weerpatrone in Suider-Afrika in die komende maande asook tydens die somerreënseisoen te wees.”Van den Berg verduidelik die Indiese Oseaan-dipool (IOD) sal volgens voorspelling meer na ‘n negatiewe waarde neig, wat vereenselwig word met ‘n verbeterde kans op lente- en somerreën vir Suider-Afrika.“Boonop word voorspel dat Enso-toestande (die El Niño- Suidelike Ossillasieklimaatspatroon) neutrale tot swak La Niña-vlakke sal handhaaf. “Sommige weervoorspellings dui daarop dat ‘n swak La Niña moontlik vanaf September of Oktober kan ontwikkel, maar dit is onseker of Enso-toestande in neutrale vlakke sal bly of werklik die La Niña-drempel gaan bereik. ’n Negentig persent sekerheid bestaan dit sal nie na ‘n El Niño ontwikkel nie,” het Van den Berg gesê.La Niña lei gewoonlik tot natter as normale weersomstandighede van Desember tot Februarie in Suider-Afrika. Hy meen indien La Niña-toestande wel in die vroeë somermaande plaasvind, kan dit die moontlikheid op reën ook vir die mees westelike dele van die vasteland verbeter.Die Suidelike Ossillasie-indeks (SOI), wat 'n maatstaf is van die verhouding tussen seeoppervlaktemperature- en oorhoofse weerstelsels in Niño-gebiede, is ook neutraal, sê Van den Berg. – elvira@republikein.com.naFOTOReën sak op 30 Januarie vanjaar oor ’n baie vol Von Bachdam uit. Foto Elvira Hattingh

Ergste koue nog op pad

Kommentaar

Republikein 2025-12-17

Meld asseblief aan om kommentaar te lewer

Ergste koue nog op pad

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.