Erasmus (108) speler van die wedstryd

’n Puik honderdtal deur die kaptein Gerhard Erasmus was die grootste struikelblok in die pad van die Ontluikende Protea-span om dalk verlore eer in die Castle Lite eendagreeks teen die Namibiese Eagles te herwin.Die Namibiërs het die eerste wedstryd met vyf paaltjies beklink nadat Erasmus die toerspan ingestuur het om eerste te kolf, waarop die groen-en-goues met die laaste bal van hul 50 boulbeurte vir 244 uitgeboul is.Die onblusbare Nicol Loftie-Eaton het as draaibouler drie belangrike deurbrake gemaak (3/29 in 9 boulbeurte, twee leeg), terwyl Ben Shikongo (2/54 in 9 bb) en Jan Frylinck (2/49 in 10) ook toegeslaan het.In die Namibiese antwoord is Stephen Baard (12) agter die paaltjies gevang en Zane Green is b.v.p. uitgegee op 31, voordat JP Kotzé op 16 uitgehardloop is om Namibië op 67/3 te plaas.Gerhard Erasmus (108 van 95 balle, tien viere, vier sesse) het egter saam met Craig Williams (48 van 82 balle, 4x4) stelselmatig die beheer terug in die tuisspan se guns geswaai.JJ Smit het die wenlopie met ’n vier geslaan in sy 16 nie uit nie, met Erasmus wat as speler van die wedstryd aangewys is.Die Namibiërs het die afgelope naweek die agterstand uitgewis om die T20-reeks teen die Suid-Afrikaners met 2-1 te beklink. Die volgende eendagwedstryde by Wanderers is Donderdag en Saterdag (10:00).(Foto’s deur Tielman van Lill)

Erasmus (108) speler van die wedstryd

Kommentaar

Republikein 2026-07-02

Meld asseblief aan om kommentaar te lewer

Erasmus (108) speler van die wedstryd

Kommentaar

Republikein 2026-07-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.