EOH val 25% ná Microsoft ooreenkoms beëindig

Nellie Brand-Jonker – Die beleërde tegnologiegroep EOH se aandeelprys het Dinsdag met 25% geval.EOH het oor die middaguur aangekondig dat Microsoft hom in kennis gestel het van sy voorneme om ’n ooreenkoms met sy filiaal EOH Mthombo binne 30 dae te beëindig.EOH se aandeelprys het reeds skerp geval voordat hy Dinsdag sy verklaring uitgereik het nadat die eerste berig hieroor Maandag deur Techcentral geskryf is.In die verklaring is gesê dat EOH nog nie ’n verduideliking ontvang het oor hoekom die ooreenkoms gestaak word nie.Die gevolg sal wees dat EOH Mthombo nie meer ’n regstreekse herverkoper van Microsoft-lisensies gaan wees nie en die impak op sy wins sal R10 miljoen in die huidige boekjaar wees.Stephen van Coller, die nuwe uitvoerende hoof van die EOH-groep, beoog om dringend met Microsoft te skakel om uit te vind wat die probleem is.EOH se aandeelprys het Maandag van R26,71 tot R19,80 geval.Die aankondiging kom nadat EOH einde Januarie herhaaldelik vure moes doodslaan oor die uitslag van ’n ondersoek by Eskom oor die kontrakte met die maatskappy.Eskom het op 28 Januarie ’n verklaring op Sens aan beleggers uitgereik wat ’n lys onreëlmatighede openbaar wat in sy finansiële state vir die ses maande tot einde September gerapporteer word.Daarin is onder meer na bewerings oor wangedrag deur voormalige senior amptenare met EOH verwys.EOH se aandeelprys het die Maandag met 2% en die dag daarna met bykans 15% geval.EOH het daarna op Woensdag 30 Januarie ’n verklaring uitgereik waarin verwys word na Eskom se aankondiging en gesê die twee bewerings waarna verwys word, is sake wat ten volle ondersoek is en reeds verlede jaar afgehandel is en dat die maatskappy nie in enige daarvan skuldig bevind is nie.Daarna het Eskom op Donderdag 31 Januarie ’n verklaring uitgereik om te verduidelik dat dié ongerymdhede vir die tydperk tot einde September 2018 aangemeld is omdat hy ingevolge die JSE se noteringsvereistes vir skuldbriewe daartoe verplig is. Eskom het gesê ná einde September is ’n saak oor EOH afgehandel en die bevinding is dat hy kan voortgaan om dienste vir die kragmaatskappy te verskaf.EOH het ’n dag daarna ook ’n verklaring uitgereik wat beleggers verwys na Eskom se verklaring waarin gemeld word dat hy aan enige wangedrag onskuldig bevind is.EOH verhandel ver onder sy jaarhoogtepunt van R75,30. – Netwerk24

EOH val 25% ná Microsoft ooreenkoms beëindig

Kommentaar

Republikein 2025-05-02

Meld asseblief aan om kommentaar te lewer

EOH val 25% ná Microsoft ooreenkoms beëindig

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie