Private sektor mag entstowwe invoer
Die aankoop is beperk tot entstowwe wat deur die Namibiese Medisynebeheerraad goedgekeur, of in lyn met die wet vir medisyne en verwante middele vrygeskeld van registra
Henriette Lamprecht – Die private sektor en wel groothandelaars en verspreiders mag Covid-19-entstowwe van geloofwaardige bronne na Namibië invoer om die verkryging van entstowwe in die land te versnel.
Dié inligting is vervat in 'n openbare kennisgewing wat op 31 Maart deur die ministerie van gesondheid en maatskaplike dienste aan die private sektor oor die invoer en administrasie van Covid-entstowwe uitgereik is.
Die aankoop en invoer van Covid-entstowwe word beperk tot entstowwe wat deur die Namibiese Medisynebeheerraad (NMRC) goedgekeur is, of dié wat in pas met die bepalings van afdeling 45 van die wet vir medisyne en verwante middele en soos vervat in die regeringsaankondiging op 9 Maart vanjaar van registrasie by die raad vrygeskeld is.
Private hospitale wat as immuniseringspunte geoormerk is, het vroeër gesê hulle sal nie entstowwe gebruik wat nié deur die NMRC goedgekeur en geregistreer is of noodlysstatus (EUL) van die Wêreldgesondheidsorganisasie (WHO) het nie.
Die entstowwe wat vrygestel is deur die raad vir registrasie en nog onderhewig aan goedkeuring en registrasie by die WHO is, sluit in Vero Cell; Sputnik V; Ad26.COV2.S; COVAXIN en mRNA-1273 (Moderna).
Volgens die kennisgewing deur die ministerie mag die entstowwe wanneer dit in die land aankom, net herverkoop of versprei word aan geregistreerde en gesertifiseerde verskaffers van gesondheidsdienste.
Die kennisgewing deur die ministerie is gerig aan groothandelaars en verspreiders in Namibië met goedkeuring om volgens die bepalings van die aptekerswet en afdeling 29 van die medisynewet medisyne en verwante produkte in te voer en te hanteer.
Alle geriewe wat entstowwe deur dié meganisme aankoop en toedien, sal verantwoordelikheid aanvaar vir vrywaring en aanspreeklikheid wat kan spruit uit die toediening van die entstowwe deur die betrokke geriewe.
Die kennisgewing aan private gesondheidsgeriewe stip ook duidelike riglyne uit in die administrasie en toediening van die entstowwe. Dit sluit in 'n stasie wat bepaal of die persoon in die teikengroep vir immunisering val, registrasie, mediese evaluering, immunisering en ook 'n wagarea om te bepaal of die persoon enige onmiddellike newe-effekte of reaksie tot die betrokke entstof het.
Elke dosis van die entstof moet by elke immuniseringspunt in 'n register opgeneem word wat aan die ministerie gerapporteer moet word. Dié inligting word in die distriksgesondheidinligtingstelsel 2 (DHIS2), 'n elektroniese entstof-opsporingstelsel, opgeneem.
Die kennisgewing beklemtoon die ministerie is alleen verantwoordelik vir die uitreiking van entstofsertifikate met strepieskodes sowel as die invoeg van data in die reisstelsel vir persone wat na bestemmings wil reis wat Covid-19-inentingsertifikate vereis.
Die ministerie het op 19 Maart met fase 1 van die immuniseringsprogram in drie distrikte afgeskop, naamlik Windhoek, Swakopmund en Walvisbaai. Die aanvanklike uitrolplan maak gebruik van Sinopharm en Covishield wat deur onderskeidelik China en Indië geskenk is. Die ministerie beoog om minstens 60% van die bevolking (1,5 miljoen mense) teen Covid-19 te immuniseer.
Die huidige dosisse is voldoende om 12% oftewel 60 150 van die teikenbevolking in te ent.
– [email protected]
Dié inligting is vervat in 'n openbare kennisgewing wat op 31 Maart deur die ministerie van gesondheid en maatskaplike dienste aan die private sektor oor die invoer en administrasie van Covid-entstowwe uitgereik is.
Die aankoop en invoer van Covid-entstowwe word beperk tot entstowwe wat deur die Namibiese Medisynebeheerraad (NMRC) goedgekeur is, of dié wat in pas met die bepalings van afdeling 45 van die wet vir medisyne en verwante middele en soos vervat in die regeringsaankondiging op 9 Maart vanjaar van registrasie by die raad vrygeskeld is.
Private hospitale wat as immuniseringspunte geoormerk is, het vroeër gesê hulle sal nie entstowwe gebruik wat nié deur die NMRC goedgekeur en geregistreer is of noodlysstatus (EUL) van die Wêreldgesondheidsorganisasie (WHO) het nie.
Die entstowwe wat vrygestel is deur die raad vir registrasie en nog onderhewig aan goedkeuring en registrasie by die WHO is, sluit in Vero Cell; Sputnik V; Ad26.COV2.S; COVAXIN en mRNA-1273 (Moderna).
Volgens die kennisgewing deur die ministerie mag die entstowwe wanneer dit in die land aankom, net herverkoop of versprei word aan geregistreerde en gesertifiseerde verskaffers van gesondheidsdienste.
Die kennisgewing deur die ministerie is gerig aan groothandelaars en verspreiders in Namibië met goedkeuring om volgens die bepalings van die aptekerswet en afdeling 29 van die medisynewet medisyne en verwante produkte in te voer en te hanteer.
Alle geriewe wat entstowwe deur dié meganisme aankoop en toedien, sal verantwoordelikheid aanvaar vir vrywaring en aanspreeklikheid wat kan spruit uit die toediening van die entstowwe deur die betrokke geriewe.
Die kennisgewing aan private gesondheidsgeriewe stip ook duidelike riglyne uit in die administrasie en toediening van die entstowwe. Dit sluit in 'n stasie wat bepaal of die persoon in die teikengroep vir immunisering val, registrasie, mediese evaluering, immunisering en ook 'n wagarea om te bepaal of die persoon enige onmiddellike newe-effekte of reaksie tot die betrokke entstof het.
Elke dosis van die entstof moet by elke immuniseringspunt in 'n register opgeneem word wat aan die ministerie gerapporteer moet word. Dié inligting word in die distriksgesondheidinligtingstelsel 2 (DHIS2), 'n elektroniese entstof-opsporingstelsel, opgeneem.
Die kennisgewing beklemtoon die ministerie is alleen verantwoordelik vir die uitreiking van entstofsertifikate met strepieskodes sowel as die invoeg van data in die reisstelsel vir persone wat na bestemmings wil reis wat Covid-19-inentingsertifikate vereis.
Die ministerie het op 19 Maart met fase 1 van die immuniseringsprogram in drie distrikte afgeskop, naamlik Windhoek, Swakopmund en Walvisbaai. Die aanvanklike uitrolplan maak gebruik van Sinopharm en Covishield wat deur onderskeidelik China en Indië geskenk is. Die ministerie beoog om minstens 60% van die bevolking (1,5 miljoen mense) teen Covid-19 te immuniseer.
Die huidige dosisse is voldoende om 12% oftewel 60 150 van die teikenbevolking in te ent.
– [email protected]
Kommentaar
Republikein
Geen kommentaar is op hierdie artikel gelaat nie